Horae Belgicae


CLXV. ¶ Een oudt liedeken. 1.[regelnummer] WJlt god ic sal beginnen Vander alderliefste mijn myn hert wil ic bi haer eynden Rijc god waer machse zijn Si wil mi nv begheuen Si neemt mi lijf ende leuen die alderliefste mijn 2.[regelnummer] Myn hert is mi doorschoten Met eene vierighen pijl dat heeft ghedaen een vrouken Si staet int herte mijn Si hout myn herte beuanghen Na haer staet myn verlangen. Si staet int herte mijn 3.[regelnummer] Mijn lieueken heeft twee borstkens ront Veel witter dan die snee
[pagina 248]
Mach si mi niet ghewerden dat doet mijn herte so wee Gheen lieuer op aerden Mach si mi niet ghewerden dat doet mijn herte so wee 4.[regelnummer] Schoon lief ic sal v helpen Wat v te helpen staet Jc sal om uwen wille Vader ende moeder af gaen Schoon lief laet v gebruycken Ende wilt v herte ontsluyten. Laet mi daer rusten in 5.[regelnummer] Schoon lieueken wi moeten scheyden Js dat niet iammer groot die maget bestont te weynen den ruyter in haren schoot Wat gaf hi haer te loone Een vriendelijc cussen scoone Aen haren rooden mont 6.[regelnummer] Die dit liedeken dichte. dat was een ruyter fijn. Hi heuet wel ghesonghen hi en mach bi zijn lief niet zijn Si singhet wel bouen maten Mijn boel en sal ic niet laten Ten eynden vanden leuen mijn