Horae Belgicae

[p. 246]

CLXIV.
¶ Vanden Timmerman.

WJe wil hooren singhen
Van eenen Timmerman
Van eender borchgrauinnen
Hoe si haer lief ghewan
Die heeren seyden wellecome timmerman
Ghi zijt ons waerste gast
Ghy sult noch tauont hangen
Aen eenen hoom staet vast.
Waer om so sal ic hangen
Jc en ben ia gheen dief.
dat herte van minen iongen liue
heeft een schoon vrou seer lief.
Sal ic noch tauont hangen.
Aen eenen boom staet vast.
versincken moeten die wortelen
Verbarnen moet den bast
Dat vernam een vrouwe.
Eens groten lantsheren wijf.
si dede haer paerdeken sadelen
Al om des timmermans lijf
Doen si haer paerdeken ghesadelt had
Haer sporen had aenghedaen
So was den timmerman.
Tet leederen opghegaen
Nv hoort ghi heeren alle
Quaem die borchgrauinne voor v beddeken staen
Soudyse helsen ende cussen
Oft soudise laten gaen
Quaem mi die borchgrouinne
Voor myn beddeken staen
Jc soudese helsen ende cussen
Ende vriendelijck ontsaen
Soudijse helsen ende cussen
Ende vriendelijck ontfaen

[p. 247]

 

so en heeft dese timmerman.

 

Niet al te veel misdaen

10.

Coemt af, coemt af goet timmerman

 

V is verbeden v lijf

 

dat heeft gedaen een vrouwe

 

Eens grooten lansheren wijf.

11.

Heuet dat gedaen een vrouwe

 

Eens groot lantsheeren wijf

 

God houdse in haerder eeren

 

Ende mi mijn ionghe lijf

12.

Hi wranck van sinen handen

 

Een gouden vingherlijn

 

dat gaf hy haer teenen pande

 

Si hadde behouden zijn lijf