Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende [pagina 244] [p. 244] CLXIII. ¶ Een oudt liedeken. 1.[regelnummer] WJe wil hooren een goet nyeu liet En dat sal ick ons singhen Al vander edelder minne Van een ridder ende ioncfrouwe Si droeghen verholen minne. 2.[regelnummer] Die vrouwe op hoogher salen sach Van also verre dat si sach Si sach hem van so verre Si sach hem comen ghereden Veel claerder dan een sterre 3.[regelnummer] Si stack zijn hant onder zijn cleet Een vingherlinck was daer bereedt Dat worp hi inden rijn die vrouwe op haer sale lach Seer noode wou zijt verloren laten blijuen. 4.[regelnummer] Ende si had een cleyn vondel hont dat conste wel duycken tot inden gront So diep in ghenen gronde dat haelde haer dat vingherlijn Jn also corter stonden 5.[regelnummer] Doen si dat vingerlinc ontsangen hadde Ende si dat seer wel besach So stont daer in gesereuen. Och rijck heer god hoc salich hi waer Die lazarus mochte wesen 6.[regelnummer] Si ghinc voor haren vader staen Voor haren liefsten vader Siet vader ick moet v claghen Jc ben besmet met lazarie Jc moet wt alle mijnen maghen 7.[regelnummer] Och dochter sprac hi dochter mijn Hoe soude dat moghen ghezijn. Want ghi zijt also schoone [pagina 245] [p. 245] Ende bouen alle lantsurouwen So spant ghi die croone 8.[regelnummer] Die vader al totter dochter sprac Och dochter wel lieue dochter mijn Hoe gaerne soude ic weten Waer v die leelike lazarije eerst wt sal breken 9.[regelnummer] Dat meysken dat niet laten en dorst Si nam een mes si cloofde haer borst Siet vader ic salt v bethoonen Si en condese daer na in seuen iaer Ghesuyueren noch gheschoonen 10.[regelnummer] Men ghinc haer daer een huysken maken Besiden des weechs al vander straten Men huerde haer eenen gheselle die haer al door die minne van god Soude clincken die lazarissche belle 11.[regelnummer] Daer in so lach si seuen iaer dat si noch sonne noch mane en sach Niet meer dan tot eenen tijde So liet si haer dore open staen Si sach den ridder comen rijden 12.[regelnummer] Si wiesch haer handen si waren schoon Si leydese opten sadel boom Si lieter die sonne op schijnen Doen kende hi dat vingherlijn Dat hi worp inden rijne 13.[regelnummer] Hi settese voor hem op zijn paert Hi voerdese tot sinen lande waert Hi cleedese al met gouwe Ten eynden vanden seuen iaer So was si des ridders vrouwe Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd