Horae Belgicae(1968)–A.H. Hoffmann von Fallersleben– Auteursrechtelijk beschermd Vorige Volgende CLXXVI. ¶ Vanden edelen Landtman. 1.[regelnummer] ALs ic aenmercke al dat de werelt hout beuaen So gaet die landtman verre te bouen So my dunct naer mijn verstaen Hy is seer duechdelijc van zeden Dus moet hi prijs van mi ontfaen Want nacien, landen, sloten, steden, Voet hi met sine sweetighen leden 2.[regelnummer] Den goeden lantman tot alder duecht verhit So loyael diet wel ontknochte Hi eert, hi delft, hi haect, hi spit als menich edel man leit op zyn bedde sochte Peynst of die lantman niet en wrochte Wie soude ons dan met trooste lauen Pausen, Coninghen, Princen, Grauen, Sullen si leuen hi moet beslauen 3.[regelnummer] Den goeden lantman van groter werden Elck doet hem toren ende groten bant Die mollen comen wter aerden Si en wachten hoeck middel noch cant Si wroeten daert hen meest meshant Blent zijnde makens gheen gheruchte [pagina 268] [p. 268] binnen der tijt dat die landtman saeyt of plant so rouen coeyen, verkens, dit wil ic pluchten ende eeten den landtman af zijn vruchten 4.[regelnummer] Venus kinderen ic bens orconden gaen buyten int doncker als een vedere die eene valt bouen die ander valt onder dus liggen si des landtmans coren ter nedere natuere die werct, elc rect die leden sijn Die landtman is des cost verbeyder Nochtans moet hi van als te vreden sijn Men soudt gepict hebben het moet gesneden zijn 5.[regelnummer] Seyde ic anders ic soude lieghen het pluct al aenden landtman dats claer beseuen Die voghelen die inden woude vlieghen Moeten doch biden landtman leuen Hanen, hinnen, al die daer aen cleuen Doen haer beste, si scrapen si stecken sulcke menige leest aren somtijts in plecken Maer God weet of sise wten schonen trecken 6.[regelnummer] Dus laet ons den goeden landtman te vriene hebben die voor ons slaeft met herten noyael dan comen die papen die willen thiende hebben Dan compt die coster om zijn natael die vier oorden maken een schoon verhael. Als die van weldoen sijn verbeyders Jck maecht wel weten principael si en begheren, fruyt, sleeu, noch braembeyere Si willen hebben ghelt, kaes, of eyere 7.[regelnummer] Alst coren is in, tsi vroech of spade So comen die ruyters of die quade Segghen herwaert wi moeter eten den landtman trect men moet wel weten. Ter moelen wat baet dat ickt hele Die molenaers hen niet en vergeten Si nemen redelijcke vanden meele Paeys is goet God weet hoe veele [pagina 269] [p. 269] 8.[regelnummer] Den armen landtman heeft menigen stoot. Die woluen fel van cleynen gheruchte Biten haer lieden beesten doot Die vossen doen ooc also int pleghen Al slaet die menighe dit voor een cluyte die wesels suypen die eyeren wte den armen landtman heeftet al teghen 9.[regelnummer] Dus laet ons gode bidden seere dat hi den landtman in duechden stercken Christus selue bewijst hem eere soot daghelicx blijct inder kercken het lichaem Gods hoe dat iet mercke Comt vander terwe dats waerhede Leyt den landtman niet te wercke Ten bleue staende slot noch stede God gheue den landtman paeys ende vrede Ende dat eeuich leueu Amen Vorige Volgende
Auteursrechtelijk beschermd Auteursrechtelijk beschermd Auteursrechtelijk beschermd
Auteursrechtelijk beschermd
Auteursrechtelijk beschermd