Print Horae Belgicae(1968)–A.H. Hoffmann von Fallersleben Vorige Volgende CLXXVII. ¶ Een nyeu liedeken. 1. BOurgoenschen laet ons vrolick singhen Ende maken eenen goeden moet Al willen ons die kleefsche dwinghen En nemen ons lijf en daer toe goet Wi hebben victalie ende goet gheschut te vueren Ghelt ende daer toe den coelen wijn Antwerpen en wilter niet trueren Maer laet ons altijt vrolijc sijn 2. Ons Borch is met rooskens becranst. Te wetene wit ende root Daer menich vorst, ende knecht om danst Wi en hebben van haer gheen noot Wi willense tsamen verschueren [p. 270] Met haren verraders fenijn Borgoenschen en wilter niet. . 3. Wi hebben op haer ghebrouwen Ons spijse die is wel gaer Met spiesen ende cortouwen Tantwerpen int openbaer Tantwerpen op die mueren Daer zijn die burghers fijn Edel Antwerpen. . 4. Onsen dranck die sal verschalen En comen die ghelderse niet aen boort Haer roemen sal hen falen Elck segghet Schamt v der valscher kueren Ghi kleefsche aen ghenen rijn Borgoenschen en. . 5. Haer ruyters sullen ons verblyden Hen paerden comen ons goet Dan sullen wi vroom broeders rijden Die nv gaen een deel te voet Ons gheuanghen in corter hueren Sullen si wesen al doeghet haer pijn Borgoenschen en. . 6. Goet Keysers sullen si leeren die fransoysen nv ouer al Seer cleyn tot haerder eeren Tis haer een groot misual Dat si haer oyt ghinghen rueren Teghen den Keyser ons alder medecijn Borgoenschen en wilt. . 7. Marten van Rossum v mach wel verdrieten Dat ghi Antwerpen oyt quaemt so by En dat ghijt noyt en dorste beschieten Te rechte machmen v wel segghen fy Maer ghi dacht ons te besueren Met v verraders wel als cokijn Antwerpen en wilt. . [p. 271] 8. Hier mede beueel ick v den heere Ghi Borgoenschen met herten fier Ende doeghet na mijn leere Ende drinct den wijn ende bier Maer altijt wilt bespueren Die verraders op elck termijn Borgoenschen en wilt niet trueren Maer laet ons altijt vrolijck sijn Vorige Volgende
.