Horae Belgicae (1968)

Horae Belgicae

(1968)–A.H. Hoffmann von Fallersleben– rechtenstatus

Auteursrechtelijk beschermd

Vorige Volgende


CXCVII. ¶ Een nyeu liedeken. 1.[regelnummer] JN Augusto den tweesten dach Datmen de stadt van Louen belegen sach Al van die fransche knechten Daer Merten van Rossum sonder verdrach die lueuenaers woude beuechten 2.[regelnummer] Die fransoysen quamen seer stoutelic aen Si meynden te Lueuen binnen ghaen Ghelijck een scheper drijft sijn schapen Sonder slach oft sonder slaen Meynden de louensce vroukens te slapen 3.[regelnummer] Op de veste was menigen stouten clerc die vroukens waren neerstich int werck Aen steenen aen reepen aen alle dinghen Si spraken sijt alle cloec int werck Wi sullen v ghenoech aen brenghen 4.[regelnummer] De fransoysen schoten hen bussen af die van louen en achten dat niet een caf Die burghers hielden goe hoede Al waert dat hen veel volcx beghaf De schutters waren cloec van moede 5.[regelnummer] Merten van Rossum den onuerlaet Hi heeft ghesonden eenen abasaet Al aen die burghers ghetrouwe Hi eyste met woorden seer abstinaet Tseuentichduysent cronen root van gouwe 6.[regelnummer] Daer bouen eyste hi noch een voor al Van clooten van bussen een groot ghetal En poeyer met gheheelder ermijen En dat hi ses weken sonder gheschal Wt ende in sou moghen rijen
[pagina 304]
7.[regelnummer] Die heeren hebben verstaen dit woort Die borghers waren seer verstoort Si enwouden dat niet consenteeren Si spraken altsamen met een accoort Wi willense declineren 8.[regelnummer] Merten van Rossum hen capiteyn Hi hielt voor de stadt van Louen ghemeyn Dat heeft den borghers verdroten Si riepen comt aen groot ende cleyn En si hebben inden hoop gheschooten 9.[regelnummer] Die fransoysen waren seer veruaert doort schieten is hen den moet beswaert achter rugghe sijn si ghetoghen dus danct god de zyn dienaers heeft bewaert Want het staet doch al in sijn vermoghen 10.[regelnummer] Merten van Rossum was in grooter noot Want daer bleeffer meer dan iiij .c. doot dies was hi ghestoort van sinne Mer in een groote schure verstaget bloot daer dede hise varen inne 11.[regelnummer] Die fransoysen waren seer veruaert Si hebbent al tsamen verbaert die dooden metter schueren die stadt van louen was hen ontuert dat mochten si wel betrueren 12.[regelnummer] Als god zijn dienaers helpen wilt Teghen hem en helpet tswaert noch schilt dan alleen in die hant des heeren dus laet ons tot god keeren als ridder milt Hi sal hem tonswaert keeren 13.[regelnummer] Die dit liedeken heeft ghedicht Sijn hert dat was daer toe verlicht Om elcken te vermonden Want ghelijc een leeu de cloeckelijck vicht Sijn die van lueuen beuonden

Vorige Volgende