Horae Belgicae

(1968)–A.H. Hoffmann von Fallersleben– rechtenstatus


CCXVII. 1.[regelnummer] OP een Maendach morghen Trocken wy crijslieden al Sonder trueren ofte sorghen Lancx een water smal. Daer waenden wy die Fransoysen te slaen Wi waren met verraders belaen Si hadden ons binnen der bane Papegaeyken was synen name 2.[regelnummer] Als wi ouer dwater quamen Wy lansknechten wel ghemoet dry Vendelijn wy vernamen Elck in een slachoorden stoet Op een schutgewerte waren wy geuoert daer in die walen waren beroert Wi creghen ghenuchte int schieten Te Wyle dat die Walen liepen 3.[regelnummer] Die Franchoysen als cloecke mannen Quamen ous cnaphendich aen meest wt Vlaenderlant ghebannen Sy meynden ons hebben gheuaen Si riepen her her, Wi toochden den rug Tot dat wi quamen aen een brugghe daer vonden Wy ons hooftman staende Sijn twee vendelijn niet af gaende 4.[regelnummer] Met .xx. vendelijn van twee syden Quamen sy als dulle lien.
[pagina 337]
Om tegen ons te strijden. Wi mosten voor haer vlien die Fransche ruyters ontdecten tvelt daer waren wi met die Fransoysen gequelt Si moghen haer wel schamen dat si .xxx. teghen een quamen 5.[regelnummer] Wi weken in corter wylen Tot aen een water stranck. Het quartier van eender mijlen Noch vlogen ons vendelyn blanck daer toochde elck ruyter wat hi was Wi schoten die Fransce ouer haer harnas Jn dat water sachmer vele ghenesen Si mosten geherdoopt wesen 6.[regelnummer] Och Hertoghe van Vendome Bistu een onredelick man dat ghi ons wildet comen met so vele Vendelijn an den Arent sal noch die Lelie ontdoen Al hebdi genoechte voor de noen Wy comen noch in tyden Om in Vranckerijck te verblijden 7.[regelnummer] Lansknechten wilt v verblijden Om te trecken in Vranckerike bloot Van v Hooftman en wilt niet scheyden Al soudy daer blijuen doot Met v Hooftman v leuen leen En aen gheen water van hem scheen Al gader totten scouweren inne. Hi volcht v tot sinen brunen kinne 8.[regelnummer] Die dit Liedeken dichte Hy waer gaerne een Lantsknecht Hi steldet al opt slichten Te Rumegem int gheuecht Sinen naem was Hansken sonder ghelt Daer was hi metten Fransoysen Gequelt
[pagina 338]
Jck segt v sonder falen Jn Vranckerijck sal Hi zijn scade verhalen

Vorige Volgende

CCXVII.