Milenus clachte

[p. 145]

[Maer wee die Gouverneurs die oirsake = zijn]

Maer wee die Gouverneurs die oirsake = zijn

Dat die vruchtbaer landen comen ten ruwijne,

Want daer veel menschen om in onghemake = zijn:

Zy verdienen seer wel die helsche pijne.

Men noemtse Doorluchtich, maer Doncker van schijne

Sal wesen hunnen malereusen name;

Als hier aen Periandro blyckt ten sijnen.

Soo een mensch es, es naer hem zijn fame.

Hier light begrauen in dees cleyn sepulture
Periander, een tyrant vol indiscretien.
Wiens tyrannije, en wreetheyt sture
Meerder was dan t'groot lant van Gretien.

Hier light Periander, dier veel bracht in sneuen,
Die nu vanden wormen selue werdt verbeten;
Die soo onnuttelijck binnen zijnen leuen
T'goet vanden weesen heeft verdaen en gheten.

Hier light Periander den wreeden tyrant,
Die hier leefde tot elcx prejuditie:
En ghestoruen es, dat hem in t'scheeden niemant
Beclaeght en heeft, noch ghedaen sacrifitie.

[p. 146]

 

Hier light Periander een tyrant groot,

 

Wiens leuen veel menschen die doot ghecauseert = heeft,

 

En wiens blijde en aenghename doot

 

Veel menschen haer leuen gheprolongeert = heeft.

 

 

 

Hier light den boosen tyrant Periander,

 

Die in zijn leuen veel onnoosel bloet

 

Ghestort heeft: en als een wreet nytlander

 

Gheconfisqueert heeft veel eruen, ghelt, en goet.

 

 

 

Hier light Periander van Corinthen gheboren,

 

Die wetten maeckte, die schenen rechtveyrdich:

 

Maer in plaetse van die t'achtervolghen al voren,

 

Bleef hy in zijn tyrannije volheyrdich.

 

 

 

Hier light Periander die stinckende prije,

 

Die naer dat hy gheleeft hadde tachtentich jaer

 

Door die doot afliet van zijn tyrannije:

 

Wiens schande noch langhe sal dueren hier naer.

FINIS.