Briefwisseling. Deel 2: 1634-1639
(1913)–Constantijn Huygens–
Auteursrecht onbekend
[pagina 319]
| |
1726. Aan prinses Amalia van Oranje. (H.A.)*Le grand vent qu'il a faict tout aujourdhuy, a empesché qu'on n'a peu effectuer ce qui avoit esté desseigné pour l'avancement de la galerie, qui pourtant ne laisse pas d'avancer tousjours, et semble que ceste nuict on se mettra en debvoir encor de quelque chose d'extraordinaire, de sorte que la ville va devenir malade de pis en pis, et au grand pas; car mesme nostre prisonnier espagnolGa naar voetnoot1), ayant veu, entre autres, sur la carte, quels avantages a eu M. le comte Henry derriere le chasteau, qui est leur foible, commence a en avoir fort mauvaise opinion. - Le commandeur de Berghe op Zoom escrit d'hier, qu'il venoit de parler à un honest'homme de sa bonne cognoissance, declarant sur son honneur, d'avoir leu en Anvers avanthier au soir, une lettre de Valenciene, en date du 27e de Septembre, par où il estoit porté, que de sept à huit mil Françoiz, ayants esté recognoistre l'armée espagnole, auroyent esté attrappez hors d'une embuscade par le comte JanGa naar voetnoot2), et que s'estants retirez jusques dans Maubeuge aveq perte, le Cardinal Infante se seroit campé devant icelle ville aveq toutes ses forces, et auroit commencé à la canonner, quand soudainement le gros des Françoiz, venant de prendre la Chapelle, se seroit jetté sur luy et l'auroit faict retirer jusqu'à Valencienne - je croy qu'il y avoit Mons, plustost - en tres grand desordre. Dont il y avoit grande consternation en Anvers. C'est une grande nouvelle, et pour laquelle il fault attendre plus de verification, mais je la debite par avance comme elle vient à S. Alt.e de par ledit commandeur, qui au moins ne veult pas qu'on en doubte. - Le Sieur Wilmot, capitaine de cavallerieGa naar voetnoot3), a payé à ce matin sa curiosité dans les approches, par un coup de mousquet qui luy entre dessoubs l'oeil et sort par derriere, mais au bas de la cervelle. Le S.r WijnberghenGa naar voetnoot4) n'est nullement au desespoir des medecins, depuis qu'on l'a eu deschargé de beaucoup de sang caillé par la trepane. Devant Breda, le prem.r d'Octob. 1637. |
|