Ghemeene seyndtbrieven

Een goet meester salmen verkiesen voor zijn kinderen.

CHristen broeder ick ontbiede V L. duysent goede nachten. Den waeromme van desen is, dat ick verstaen hebbe vvt v schrijuen dat ghy u Soon meent school te setten om hem te laten onderwijsen in

[fol. A3v]

goede consten ende leeringhen. Soo ist nootsakelijck dat ghy voor al toe siet dat ghy hem van een geschickt Schoolmeester voorsiet, die vvel ghestyleert ende gheleert is int ghene dat hy leeren sal. Want die selfs niet vvel gheleert en is, en ongheschikt van leven, die en can oock ander niet vvel onderwijsen en gheschickt maecken, Maer soude hem eer bederven, ende eenighe quade ghebreken doen aen nemen, die hy naderhandt, vvederom qualijck souden cunnen ontwennen. Daerom doo rade ick voort best dat ghy voor al let op een goet Meester, die niet alleen en leert die vrye consten: Maer principalijck leven leyden, En die selfs een voorganger is in een geschickt leven. Dit doende sult vvel doen, en blijft hier mede den Heer bevolen.