Pleyten en rechten salmen schouwen.
FRansoys V. seer beminde vrient ick heb vwen brief ontfanghen. Waer vvt ick verstaen hebbe, dat ghy van meeninghe zyt om teghen v Neef te pleyten ende te vechten, 't vvelck my gheensins dunckt gheraden te vvesen. Want men soude nimmermeer ghelooven vvatter al quaet en verdriet vvt het vechten comende is, vvant het maeckt haet ende nyt, partyschap ende vyantschap. Men verliester deur zijn gelt, goet ende vrienden, ende men versuymt zijn costelijcke tijt. Sulcx dat ghemeenlijck jonge pleyters vvorden ouder bedelaers. Wy zijn altsamen Susters ende Broeders met malcander. Wy behooren vrientschap ende vrede met malcanderen te houden ende niet te vechten noch te plechten, en jaghen die Procureurs ende Advocaten 't gelt inde beurs, ende maken malcander arm ende beroyt. En sult u conscientie onrustich maecken, en van vrienden vyanden, dus soet vvat ghy doet. Ghy sult veel eerlijcker ende vroomer doen, dat ghy vuer beyde zyden sechs luden neemt, ende laet v met vrientschap van malcander scheyden: Maer vvildy enkel vechten, soo maeckt ghereet een sack vol ghelts, een sack vol verduldicheyt, een sack vol raets.
Auteursrechtvrij