Oeffent u dickwils int lijden Christi.
ICk ghebiede my in u goede gratie mijn seer beminde vrienden, Want ick u van goeder herten beminne. Den vvaeromme van desen is dat ick u laet vveten, datter gheen dinck beter en is, dan dat hem een Christen mensche dickwils oeffene inde passie ons liefs Heeren Iesu Christi. Want een mensch hier deur sonderlinghe gratie van onsen Heer crijcht het behoet en bewaert den mensch van sonden, het voet ende onderhout hem in deugden, het verdrijft den duyvel, het doet die vverelt versmaden, het leert hem barmherticheyt bewijsen zijn eue mensch. Somma het is een Fonteyn vol van alle gratien ende ghenade. Daerom begeert ghy deuchdelijck en vvel te leven, ende sonderlinghe gratie vanden Heer te ontfanghen soo oeffent u dickwils int ouverdencken van het lijden Christi groetende dickwils zijn heylighe vvonden, ende biddende hier deur om gratie. Dit doende sult vvel doen, en blijft den Heer bevolen.
Auteursrechtvrij