Leughentael salmen schouwen.
Hertelijcke seer beminde kinderen, Ick vvensche u al t'samen ghelck toe en salicheydt. De oorsake mijns schrijvenss is, dat ick vermane datghy leughentael suldt schouwen, vvant het een groote sonde is. Want de Wijseman die seyt, die mont die liecht slaet die Ziel doot.
Een leugen sonder noot brengt die aeme Ziel ter doot. En dat crijcht een leughenaer tot zijn loon voor zijn lieghen, Al spreeckt hy die vvaerheydt, soo en ghelooftmen hem niet. En die veel liegen en bedrieghen, dat zijn naevolghers vanden Duyvel, die vvelck is een vader der leugenaren, die vant beginsel inde vvaerheydt niet ghestaen en heeft. Daerom beminde kinderen schout leughentael ende alle valscheydt en bedriegheyt, En vveest vvarachtich en rechtsinnich in al u doen en laten.
Dit doende sult vroom ende wel doen. En blijft den Heer bevolen die de waerheyt selfe is.
Auteursrechtvrij