Vermaninghe die ouders te eeren.
SVsters en broeders in Christo Iesu C.P. Ick ontbiede v al t'samen veel goede machten: Mijn begheeren is dat ghy toch sorch vvilt draghen om ons lieve ende seer beminde Vader ende Moeder in eeren te houden, vvant dat is die vville Godts ende 't eerste ghebodt, met een beloftenis, segghende: eert Vader ende Moeder op dat ghy langhe moecht leven op der aerden. Tis een sekere regel, dat die gheen die haer Ouders eeren ende in vveerden houden, vvorden sonderling van Godt ghebenedijt, en comen tot alle vvelvarentheydt. Maer die haer ouders niet en eeren comen tot alle verdriet ende misere, alsomen heeft van Absalon die zijn Vader vvt zijn rijck vvoude stooten, vvaerom hy een deerlijcke en schandeloose doot ghestorven is. Die stomme beesten (dat zijn die Ouwevaers) die voeden en helpen haer ouders alst noot is, hoe veel te meer behooren dat menschen te doen die verstandt en reden hebben. By Ouders verstaetmen alle Ouerheydt, by eeren verstaetmen helpen, troosten, bystandt doen, groeten, voor haer bidden. Hier mede vaert vvel.
Auteursrechtvrij