Ghemeene seyndtbrieven

Men sal vreedtsaemich leven.

TEr eeren Gods, soo schrijf ick aen u mijn seer beminde kinderen P.A. biddende Godt die heer dat hy u verleene voorspoet en salicheydt tot zijnder eeren en tot uwer Zielen salicheydt. Mijn begheren is op u dat ghy al t'samen sult vreedsamich met malcanderen leven ende oock met alle menschen, soo verde als het moghelijck is. Want daer vrede is, daer is Godt ende alle vveluarentheydt.

En vvaer onvrede is, daer is die bose Gheest. Daerom houdt dit voor een advijs onder malcanderen.

Eendracht maect macht, maar twist verquist.

Sinte Paulus seyt: helpt malcander die lasten draghen, soo sult ghy volbrenghen die Wet Christi. Daerom staet malcander by in last en noot, verdraecht malcanderen, en leeft vreetsamich met malcanderen. Dit doende sult u selven goet doen, ende my vrientschap, ende die Heere sal u ghebenedyen en seghenen. Gheschreven desen, etc.

Al uwen beminde Vader I.