Afrikaanse spreekwoorde, gesegdes, ens.

J.

JA: Ja en amen sê op alles: Alles maar goedkeur; met alles instem: To agree to everything. Iemand is 'n jabroer: Iemand wat nie 'n eie mening het nie: A person who agrees to everything. Die jawoord kry: Deur 'n nooi aangeneem word: To be accepted by a girl.

JAAG: As jy iemand jaag, dan staan jy self nie stil nie: As iemand 'n seker fout by 'n ander soek, dan is hy self nie daarvan vry nie: Ill doers are ill deemers.

JAKKALS: 'n Jakkals: 'n Skelm persoon: A sly person. Jakkals prys sy eie stert: Aan iemand gesê wat homself prys: To blow one's own trumpet.

[p. 62]

'n Kaal jakkals: 'n Armsalige mens, iemand wat niks besit nie: A poor fellow. Hoe kaler jakkals, hoe groter stert: Wie die minste besit, spog gewoonlik die meeste: The poorer the man, the greater his boast. Jakkals verander van hare, maar nie van nukke (streke) nie: 'n Mens ontgroei nooit sy ingebore karaktertrekke nie: The leopard does not change its spots. Dis bo my jakkals: Dis meer as wat ek kan doen: That is more than I can do. 'n Tweestert jakkals: 'n Persoon wat van opienie verander net om voordeel daaruit te trek: A turncoat. Die jakkalse trou: Gebruik as dit reën, terwyl die son skyn: The fairies are baking. Jakkalsdraaie maak: Allerhande voorwensels aanvoer, om uit 'n moeilikheid te geraak: To make all sorts of excuses to get out of trouble. Vol jakkalsstreke: Gebruik van 'n geslepe persoon: To be cunning.

JAKKER: Iemand jakker die hele dag rond: Loop rond: To gad about the whole day.

JAKOB: Die ware Jakob: Die regte kêrel of ding: Mr. Right. Jakob vry na Rachel om Lea te kry: Hy is teleurgestel in sy planne: To be disappointed.

JAKOPEWEROË: Oë wat uitpuil: To have protruding eyes.

JAN: Jan Rap en sy maat: Almal, selfs die laagste ook: Tom, Dick and Harry. Met Jan Tuisbly se karretjie gaan: By die huis bly: To stay at home. Jan Salie: 'n Niksbetekenende persoon: A stick-in-the mud. Jan en alleman: Almal: All the world and his wife. Mal Jan onder die hoenders: kyk Hoenders. 'n Regte ou Jan Pampoen: 'n Niksbeduidende vent: A regular stick-in-the-mud. Beter bang (blo) Jan as dooi (oorlede) Jan: 'n Mens moenie te dapper wees nie (sê die bangbroek): Better a live dog than a dead lion. Jantjie wees; Jantjie se baadjie aanhê: Jaloers wees: To be jealous.

JAPIE: 'n Simpel Japie: 'n Baie eenvoudige mens: A simpleton.

JAPSNOET: 'n Regte japsnoet: 'n Persoon wat hom gedurig met 'n ander man se sake bemoei: A meddler.

JAS: Iemand se jas is in die wiel: Iemand is in moeilikheid: To be in trouble.

[p. 63]

JERUSALEM: 'n Vreemdeling in Jerusalem: Onbekend wees met wat in mens se onmiddellike omgewing gebeur: To be a stranger in Jerusalem. By Jerusalem begin: 'n Mens moet eers sy eie sake in orde bring, of sy eie mense help, voordat hy ander hulp verleen: To begin at Jerusalem. 'n Jerusalemse ponie: 'n Weeluis: A bed-bug.

JOB: Job se geduld en Salomo se wysheid: Baie geduld en bekwaamheid besit: Much patience and wisdom. So geduldig soos Job: Baie geduldig: As patient as Job. So arm as Job: Hy besit niks nie: Poverty-stricken. 'n Jobstrooster: Iemand wie se troos maar min help: A Job's comforter. 'n Jobstyding kry: 'n Droewige tyding ontvang: To get a message of ill-luck.

JONK: Sy nooi is jonk dood: Spottend gesê van 'n persoon wat nie 'n nooi kan kry nie: Humorously used of a person who cannot win the hand of a girl. Jonk gewend, oud gedoen: 'n Mens behou die gewoontes van sy jongdae: Once a use and ever a custom.

JONKER: Hoe kaler jonker hoe groter pronker: Wie die minste besit, spog gewoonlik die meeste: The poorer the man, the greater his boast.

JONGKÊREL: Sy lyf jongkêrel hou: Maak of hy nog ongetroud is: To pretend to be unmarried.

JOOD: Hy is 'n Jood: Suinig en geldgierig: He is a miser. 'n Vark uit die Jood slaap (eet, ens.): Gevaarlik baie slaap: To sleep, etc., very much. Jode en Samaritane hou nie gemeenskap nie: Hulle kom nie goed met mekaar klaar nie: Jews and Samaritans do not have intercourse with each other. Dit gaan soos in 'n Jodekerk: Almal praat gelyk: It is a Polish diet.

JOSIE: Die Josie in wees: Baie kwaad wees: To be very angry.

JUDAS: 'n Verraaier, 'n vals vriend: A Judas.

JUDASKUS: Kus van verraad: A traitor's kiss.

JUDASSTREEK: Verraad: Treachery.

JUKSKEI: 'n Orige jukskei: Iemand of iets wat maar van baie min waarde is: To be the fly on the wheel. 'n Klein jukskei met 'n groot knop: Iets (iemand) wat 'n mens orals kan gebruik: Something very serviceable. Jukskei breek: Moeilikheid veroorsaak: To cause trouble.