30. Tautologia, pleonasmo, klimaks
Nos ta papia di tautologia (e mesun palabra) si den un komunikashon di palabra nos tin e mesun nifkashon dos be, pa medio di palabra sinónimo.
P.e. kachó-bulldog
pan-rombro
Un palabra kompwesto ta konsisti di dos parti ku tin e mesun nifikashon.
Tin tambe kombinashon fiho di palabra ku tin e mesun nifikashon: franko i sinsero, e no tin ni pas ni sosiegu, biba ku sustu i ánsha (miedu).
Pleonasmo (abundansha) ta ora un adhetivo ekspresa un be mas e kwalidad di un sustantivo, siendo ku kwalidad di e sustantivo ta parti dje sustantivo. P.e. Homber machu (tur homber ta machu). Aunke e kombinashon aki por nifika ‘homber ku brio i kurashi’, sanger kòrá, neger stabachi, djuku pretu, pushi falsu.
Den e kaso aki e adhetivo ta bira un adòrno (epitheton ornans).
Un klimaks (eskala) ta ora nos uza varios sinónimo tras di otro, mientras nan nifikashon ta owmenta: nervioso, loko, razu,
bon, mansu, pan di dios.
fresku, brutu, ònbeskòp.
Auteursrechtelijk beschermd