Raspá

[p. 11]

Dos soneto

Ku rosea pretu di sekura
Bon sijá riba nan kweru tjesu,
Tres kabritu puru sak'i wesu
Ta pasando hambr'i amargura.

Nubjanan a kore lanta bela,
Baj ku fwentenan di awaseru,
Para tur trabòw di kunukeru,
Laga solo sinta chika swela.

Den doló p'e bestjanan, rankando
Bew seká, papel i pida tela,
Pida pan m'a ofresé, mirando

Kon tur tres a wak mi deskonfjá.
I ej mes m'a komprondé, pensando,
Kon igwal na hende bestja ta.

-:-

Kantu di kamind'i baj Montanja
Solitarjo e ta para spera
Kwalke otro mucha, ku ke hanja
Fresku serka dje, abòw den tera.

Un kolchon, formá di blachi morto
Tin plamá rondó di su tronkon;
Den su rama pára di tur sorto
Ta dunde brindo na kansjon.

Hopi be m'a bolbe pasa mira

[p. 12]

 

E luga kaminda mi sa tira

 

Kurpa bòw dje pal'i flambojan.

 

 

 

Tristu di mi alma, na rudija

 

M'a bras'e, munstrele den mi mannan

 

Dos rekwèrdo di su mes simía.