Kas Chiki
Dos o tres be m'a hasi wárda na Kas Chiki. Nada di kanta makamba. Un wárda laf, ketu. Den e kas riba e pidasitu seru mi tabata sinta lombra wowo, guli stof di kaja. Poko mas pabow tabatin dos o tres kas, kaminda e polisnan tabata biba.
E tempu ei ja Kabaret di Pargata a pasa pa historia. E nomber ‘Onze Vlag’ tabata resona ainda, pero ja e tabata un káska, un kadaver, ku un pasado rebultiá.
Un bon resultado so e wárdanan na Kas Chiki a dunami. Ei m'a sera konosi ku ju muhe di un polis. Un pichon koló di mespu. Un kara djispow. I un kurpa manera kurason di kwalke chabalitu por desea.
Patras den wárda nos tabatin nos prome enkwentro. Ami no a perde tempu, pero start sali di golpi ku namoramentu. Sunchimentu ku chupamentu di lenga a marka mi entrada.
Galinja a gusta ku mi. Di moda ku nos a palabra pa sigui e freiashi na su kas. Dia ku mi a bai su kas, ni su tata ni su mama no tabata ei. E puitu a blo riba mi, bistí na su karson so. Dos pechu tamanjo di pera a buta mi wowonan span.
Sin preliminario e mucha a kombidami bai den kamber. I riba kama di su mama nos a frei, ku matras tabata pidi pordon. Pero ku esei e galinja na tabata satisfecho. El a bisti su panja di banjo, invitami ban landa den un baki di un hòfi djis banda di su kas. Den hòfi amor a bai gol.
Poko tempu despwes, na Penstraat 24, mi ta konta mi dos amigunan di kwarto, kon bon mi a pasa ku e galinja, ku tabatin kabei rondo di su bikinan di tete.
Tur mi dos amigunan a grita hari parew i puntrami: ‘Bo ke men Nettie? Anto e tin un fret den su pechu?’
Mi ilushon a dirti mes momentu. Tres mosketero pa un puitu tabata di mas.
Nunka mas mi a mira Nettie.
Auteursrechtelijk beschermd