Punda i kunuku
| Kapital di Korsou |
Parke, Alameda |
| Pueblo di Santa Maria |
Hardin eksperimental na Kas Kòrá |
| Habitantenan di San Pedro |
Kaya Grandi di Punda i Otrobanda |
| Kunukeru, hende di kunuku |
Awasa di Punda i Otrobanda |
| Otrobandista, hende di Pitermai |
Pasa rònt |
| Museo, stateis, marshe |
Krusa kaya, dobla skina |
| Palasio di gobernador |
Un estatua, un plenchi |
| Ofisina di ministronan |
Un lorada, un kaminda kolebra |
| Hanch'i Punda, Ser'i Skalo |
Pal'i telefon i di lus |
| Kamind'e kunuku, patruli |
Kana riba asera |
No ta tur hende di kunuku ta kunukeru. Bai pariba o pabou. Lora (dobla) na man drechi. Na skina di kaya tin un tienda chikitu. Na Punda nos ta kana riba asera, na kunuku nos ta kana kant'i kaminda. Riba kaya di gobiernu (kaya públiko). Bo por perdè kaminda den mondi. Riba kaminda di Bandabou nos ta topa varios labadó. Dos outo a dal na un krusá di kaminda.
Antes Punda tabata será den e murayanan di fòrti. Den Punda tin hopi pakus, pero mayoria ta di estranhero. Hendenan di kunuku sa ta trempan (tempran) na marshe, pa bende fruta i berdura. Si na kunuku bo puntra pa un lugá, nan ta bisabu: ‘Djis parib'ei’. Ma bo ta kana te hik promé bo yega.
Pa krusa kaya mester mira promé na man robes, despues na man drechi. E nomber original di Parke Wilhelmina ta Alameda. Kompará ku e parkenan grandi di London e ta ñaña. Si brùg ta abrí, nos por pasa rònt. ‘Baby Doll’ ta nomber ku pueblo a duna e estatua di Willem van Oranje dilanti di Postkantoor. Plan Mulina ta e plenchi enfrente di West End. Antes ei tabatin un mulina.
Promé ayá Otrobandistanan tabata konsidera nan mes superior na hende di Pitermai. Bok'e Samí ta un pueblo di piskadó. Komo e trapinan di stateis tin bintiun tret, nos a haña e ekspreshon ‘subi bintiun tret’ (aparese dilanti di hues). Un patruli, un kaya smalitu di tera entre dos terenu o kunuku, ta pa fasilita hendenan dje bario, esta pa nan no tin mester di dal un buelta grandi.
Dia nan a puntra un yu di Korsou bibá na Ulanda ta kon e por soporta friu, e di: ‘Ora mi sinti friu, mi ta imaginami ku mi ta pará na Awasa di Punda, dos or' di tramerdia, mientras solo ta tota e murayanan mi tras’. Ku eksepshon di algun kaya smalitu ku tin ainda, kasi nos no por papia mas di Hanch'i Punda. E imprenta di Agustin Bethencourt tabata antes kaminda awor aki ta Plasa Gomez. Den nos Hardin eksperimental tin un kolekshon basta grandi di bestia i para.
Auteursrechtelijk beschermd