Metal i mineral
| Oro i plata ta metal presioso |
Bleki di saldinchi |
| Un wea di koper, plaka di koper |
Heru frusá |
| Heru, staña, chumbu, stal |
Koper oksidá |
| Un mina, minero |
Heru di strika |
| Un platé ta traha ku oro i plata |
Petroli ta un líkido |
| Hoya, hoyeria |
Un kadena di ankra barku |
| Porselana, djamanta |
Materia prima |
Un kadena di ankra barku no ta pa ankra ningun barku, pero un kadena grandi di oro ku antes muhénan tabata bisti. Por kòrta glas ku djamanta. Ku ‘tera bibu’ (un sorto di klei) sa traha poron i wea. Na Santa Barba tin mina di wama. Inglesnan a haña koper i manganesia tras di Zjeremi, pero e kantidat tabata muchu poko pa bira benefisioso.
Den Tower of London tin e hoyanan di Korona. Un di nan, e korona di rei George VI tin 3200 djamanta i perla. Antes den un hanchi di Punda tabatin un bòrchi ku ta bisa: ‘Aki ta kumpra oro bieu’. Na Italia ta haña hopi alabaster.
Tin plaka di oro, di plata i di koper. No mira koper lombra, kere ku ta oro. Heru mes ta gasta, kòrda hende. Oro di binti-kuater kilate ta oro puru. E hòmber ei tin mina di plaka (hopi). Porselana di Sèvres ta konosi rònt mundu. Eksamen ta den kurpa; nos mester studia ku stal ta bula. Un blekeru ta uza staña pa soldér I traha wea ku trepochi di bleki.
Ku un heru di lúa sapaté ta frega hilchi di sapatu p'e lombra. Petroli a mata hopi piská den nos haf. Den un imprenta nan sa uza chumbu. Un estatua di bròns. Na Ruba de bes en kuando nan por haña algun pipita chikí di oro den tempu ku awa yobe i roi ta kore. E djentenan grandi di olefante ta di ivor ku nan sa uza pa traha bola di biyar. Nan ta konta ku un geólogo a para di aleu, mira Cerro Bolivar na Benesuela i haña sa ku ei tin mineral di heru.
Awa mineral sa kontene kalsio i magnesio. Toledo ta famoso pa su armanan di stal, i turistanan ku bishitá Spaña sa kumpra sabla di ‘acero Toledano’ pa dòrna muraya di nan kas kune. Despues di e período di pieda pulí (neolítiko) a sigui e período di metal, den kua hen-
Auteursrechtelijk beschermd