Pas i guera
| Ehèrsito, flota |
boluntario, kobarde |
| Guera moderno, konflikto |
Guera di independensia |
| Defende, protehe |
Pistol, skopèt |
| Kue prezu, liberta |
Kayon, ametrayadora |
| Forza militar, destrui |
Fòrti, tanki, arma blanku |
| Hui, skapa, deserta |
Un atake di sorpresa |
| Deklara guera, armistisio |
Torpedo, submarino |
| Sirbishi militar |
Oroplano militar |
| Sòldá razu, kataoli |
Deposito di munishon |
Den un santana militar na Nijmegen tin varios graf ku e inskripshon ‘A soldier known to God’. Un ehèrsito i un flota di bapor di guera ta un gastu enorme pa un pais. Nan sa fusilá un desertor. Armistisio ta djis un rosea pa despues sigui mata otro, Sirbishi militar sa ta obligatorio den hopi pais.
Nos V.K.C. ta un kuerpo di boluntario. Den e guera di independensia di Benesuela Brion i Piar a lucha huntu ku Bolívar. E zonido seku di un ametrayadora ta antipátiko. Nunka no a uza nos fòrti di Rif pa akshon. Puñá i sabla ta arma blanku. Den e di dos guera mundial submarinonan aleman a torpediá varios bapor den Karibe.
Esnan ku ta será den un kampamento komo prezu di guera tin e obligashon di purba hui. E sòldá ku tabata kana komo último den un fila, generalmente pasobra e tabatin kastigu, nan tabata yama kataoli. Un sòldá razu ta esun ku ainda no tin ningun strepi.
Mucha chikitu ta buska guera; hende grandi ta hasi guera. Temp'i guera no tin misa (nesesidat ta elimina lei). Sigun disiplina militar, un militar por haña tres sorto di kastigu: leve, mediano i pisá. Den kaso di kastigu pisá (será) nan por dun'e tres dia tras di otro pan ku awa.
Guera avisá no ta kue tera (esun ku ta avisá, sa di warda su kurpa). Den guera di blanku, pretu ta keda mal mirá (ora kachó ta kome kackó, mester laga nan so). Durante e ‘black-out’ na Korsou den e di
Auteursrechtelijk beschermd