sorto di yerba komo remedi, ma un hasidó di brua ta traha ku porkeria. Nan a yega di pretendé ku indjannan kaketio a haña sa balor kurativo di hopi yerba; esaki kisas ta pusibel, komo tin hopi yerba ku nòmber indjan.
Bieunan sa bisa: Si bo kana den serena, bo ta buska o kumpra fermidat pa bo kurpa. Malu ta bini ku kabai, bai ku buriku. Malu ta bati ku Toni: konstantemente e ta na man di dokter.
Alma na pena, kurpa na pena. Ora bo stoma ta gruña, nan sa bisa: Beth Haim ta spok. Chiku su kaka ta dwars (e tin mal genio). Na Manuel su kama di behes, sarampi. Lamuerto no ke tin kulpa, pesei e ta manda kentura. Kai malu por nifika 1. bira malu 2. kuminsa regla (menstruá). Hala pa muri. Remedi ku ta bon pa stoma di sapaté, ta malu pa sneiru.
Te ainda tin hende ta kere ku lamunchi ta hasi sanger awa. Ku bon kuminda fresku i un bida na regla un hende ta konserba su salú. Hende grandi no por keda salú ni mucha no por krese bon sin sufisiente vitamina D. Shimaruku i guyaba tin hopi vitamina. Sosiegu i soño ta dos bon temedi. Nan ta pretende ku blachi di laraha i di sorsaka herebé huntu ta kita nerviosidat. Djente putrí ta duna mal baf i hasi bo stoma malu. Bebementu di hopi awa ta evita pieda na nir. Airu fresku di laman i di kunuku ta bon pa pulmon. Kurpa wadjo (sin grasia).
Auteursrechtelijk beschermd