Dialogus Creaturarum dat is Twispraec der creaturen
(2015)–Gheraert Leeu–
Auteursrechtelijk beschermdVanden saphier ende den goutsmit Dat vijftiende dyalogus | SAphirus Ga naar voetnoot68 is een costelike steen van verwen blau als | [10] die hemel is als si claer is ende wanneer die son hoer | radien daer op seyndt soe gheeft hi blinckende schijn | van hem ¶ Het was een goutsmit die den saphier setten wou | de in die croon des keysers Ende als dat die saphier sach seyde | hi En wilt mi niet goede meester sluten ende setten in die croon want ic | [15] bin noch ionck ende onghebonden ende mijns leuens lustet mi | seer in die werlt te ghebruken Daer om en wil ic niet vander | werlt verscheyden wesen ende besloten. Mer ick wil mijnre | ioecht ghebruken ende alle die werlt doer lopen ende die be- | sien. Die goutsmit antwoorden. Dijn beslutinghe sal dijn | [20] heylicheyt wesen want ic sal di een seker ende eerlike stede setten | daer du altoes sonder sorghen mogheste leuen Want ick mer- | ke dijn costelicheyt ende dijn waerdicheyt Alsoe dat ick duch | te Ist dat du after lande loopes. dat du verloren selste bliuen | | |
[Folio c7r]
| |
na dat die heylige sint ian ewangelist seyt in syn epistolen Want | alle die werlt is op alle quaet ghestelt Om datter alle so veel | periculen inder werlt sijn datse gheen hart begripen en mach | noch gheen tonghe wtspreken Daer om seyt gregorius. Altoes | [5] sellen wij sorghen. want wij altoes in perikel sijn Hier om sey- | de die goutsmit totten saphier lieue kint ic en derf v niet laten | gaen noch achter landen lopen Mer ic wil v in goeder hoeden hou | den Ende doe hi dit seyde settede hi den saphier in die croon daer | si altoes mit groter eren staende bleef besloten ende seyde Be Ga naar voetnoot69 | [10] ter is besloten te wesen ende in behoudenre hant. Dan bijster te | wesen ende lopen achter dan lant Aldus isset den gheesteliken men- | sche dat alre best dat hi in sijn clooster ende inder cellen blijft Als | een heilich vader seyde totten ionghen broeder Ganc in dijn celle | ende si sal di alle dijnc leren want het een oudt segghen is Vrede | [15] is binnen der cellen Ende daer buten en is anders niet dan onrust | ende kijf Daer om seyt iheronimus. Die cristum begheert die en | soect gheen dinghen van die werlt Mer die celle wort hem een | paradijs der heyligher scriften. ende buten der cellen te lopen | een pijn. Die abt euagrius seyde tot enen int vader leuen die | [20] tot hem seyde Ick en mach niet vasten noch arbeyden noch oec | den sieken dienen. Ganck eet ende drincke ende slaep alleen | en ganck niet wter cellen Want dat volhardende bliuen inder | cellen. brenghet den monick tot sijnre ordinancie | |
|