Van Arellius, Schilder.

Nv tot onse Schilders legende keerende, Arellius den seer vermaerden Schilder triumpheerde, en hadde zijn wesen te Room, een weynich voor de heerschappije van den Keyser Augustus, maer hy hadde dit ongheluck oft ghebreck, dat hy seer de Vrouwen onderworpen oft toegedaen was: Soo dat alle de Goddinnen die hy schilderde, waren ghemaeckt nae de ghedaenten der Vrouwen, daer hy zijn vryagien mede ghepleeght hadde: En daer by quam men lichtelijck aen zijn Beelden te kennen de Vrouwen, daer hy van ghedient hadde gheweest.