De cleyn vverelt

[fol. 55r]

[Oprechte vvrientschap vvort hier bevvesen]

Oprechte vvrientschap vvort hier bevvesen,
By eens ionghelincx figuere soo ghy moecht lesen.

Proverb. 17.

Een oprecht vrient heeft lief t'allen tijden,
En als een broeder bereet tot lijden.

[fol. 55v]

 

TE Roome vvas eens ionghelincx beelt opghestelt,

 

VViens cleederen vvaren van groender syden,

 

Daer vrientschap en liefde by vvort vermelt,

 

DIe groen en ieuchdich blijft tot allen tyden.

 

In syn voorhooft stont: VVinter en Somer sonder myden,

 

Dats vvarachtige vrientschap in vreucht, en tegenspoet.

 

In syn herte mocht men dees tvvee vvoorden beschrijden

 

Verre, en By, dats liefde die ghedincken doet,

 

Also vvel in af-syn, als in by-syn goet.

 

In den boort sijns cleeders stont: doot, en leven,

 

Dats liefde, die nemmermeer vergaen en moet,

 

Noch van die doot niet en vvort verdreven,

 

In tegenspoet kent elck synen vrient verheven.