De cleyn vverelt

[fol. 56r]

[Van Damon en Phytias hoese sijn ghevaren]

Van Damon en Phytias hoese sijn ghevaren,
T'schoonste exempel datmen mochte verclaren.

Ioan. 15.

Niemant en heeft meer in liefden verdient,
Dan die sijn leven stelt voor sijnen vrient.

[fol. 56v]

 

VVildy een exempel van rechte liefde aenschouvven,

 

Soo merct dit ghedicht tot desen stonden.

 

Damon lach ghevanghen in groot benouvven,

 

Syn handen vvaren hem te rugghe ghebonden.

 

By verlof des Conincx vvert hy t'huys ghesonden

 

Om syn saecken te beschicken, en dan te keeren saen.

 

Pythias heeft hem de borchtocht ondervvonden,

 

Ende vvert voor synen vrient inden kercker ghedaen.

 

Als den ghesetten tijt nu vvas ghecomen aen,

 

Soo vvert Pythias voor Damon ter doot gheleyt.

 

Hier-en-binnen quam Damon, en sach Pythias gaen,

 

O Coninck, verlaet toch desen man, heeft hy gheseyt,

 

En vvilt my aenveerden, vvant ick ben bereyt.

 

Die Coninck vvert vervvondert van sulck bedryuen

 

Onder sulcke tvvee vrienden in ghetrouvvicheyt,

 

Sou ick (sprack hy) vvel vvillen de derde blyven,

 

Doen verliet hyse beyde, dus machmen vvel schryven:

 

Dat sulcke liefde passeert alle goet,

 

Die vaste liefde blijft in teghenspoet.