De cleyn vverelt

[fol. 71r]

[Van t'vier en van t'vvater een schoon verhalinghe]

Van t'vier en van t'vvater een schoon verhalinghe,
Betoonende der afgoderyen dvvalinghe.

Sapien. 13.

Alle mensch is ydel van natueren voorvvaer,
In vvelcke niet en is Gods kennisse claer.

[fol. 71v]

 

DIe van Chaldeen eerden t'vier voor haren Godt,

 

D'vvelck van eenen anderen vvert bespot.

 

VVant hy heeft ghenomen met listichede

 

VVater, en dede dat in eenen pot

 

Vol gaetkens, en maecte hem een hooft van beschot,

 

Vol vvasse soo stack hy die gaetkens mede.

 

Desen Afgodt stelde hy met looser sede

 

Voor t'vier, ende daer af is d'vvas ghevveken:

 

Soo datmen van den vvatere tot dier stede,

 

Deur de gaetkens, het vier heeft vvt sien leken.

 

En hierom bleef t'vier van een yeghelijck versteken,

 

En die vvatercanne vvert in syn plaetse ghekeert.

 

Dus doolt hy voorvvaer, t'is by Paulo ghebleken,

 

Die verganckelijcke dinghen als Godt dient oft eert.