De cleyn vverelt

[fol. 73r]

[Dees lustighe gheschiedenis bevvijst aldermeest]

Dees lustighe gheschiedenis bevvijst aldermeest,
Dat elck Schoen-maker blijft by sijnen leest.

Exod. 25.

VVerct naer den voorbeelde seer hooch ghepresen,
Dat ick u op den berch heb ghevvesen.

[fol. 73v]

 

VEnus en Cupido van Apelles hant ghevvrocht,

 

VVorden hier besocht,, van vele (so vvy lesen.)

 

Eenen schoenmaecker quam ooc kijcken soo hy best mocht,

 

t'Heeft hem al goet gedocht,, dat hem eyghen mocht vvesen:

 

Maer dat van syn ambacht niet en vvas heeft hy mispresen.

 

Apelles dit hoorende is tot hem ghekeert,

 

En gaet over uvven leest niet (sprack hy) met desen:

 

Maer elck mercke syn ambacht dat hy heeft gheleert.

 

Die eens anders vverck laect vvort dickvvils ont-eert.