¶ Van dat derde deel der Inuentien ghenaemt die diuisie.
DIuisie, dat es te seggen een deelinge welcke geschiet in twee manieren Ten eersten, ist dat ons Cause dient voor iustitien of elders, daer wij weder partije hebben, so sullen wi ons Narratie of Propositie vulseyt hebbende, al tselue gaen deelen by sekeren artikelen ende pointen, betooghende in welcken artikelen oft pointen wij met ons wederpartije accorderen, desghelijcx ooc waer in wij discorderen oft geschil hebben. Die andere maniere van diuisien die geschiedt, als wij exponeren oft declareren bi ghetale, van hoe vele ende wat saken wij spreken sullen, op dat die audituers vast moghen inden sin hebben tghene dat wij segghen, ende ooc beseffen wanneer wij vulseyt sullen hebben, dat hem lieden ooc bi dien ons segghen min verdrieten ende verlanghen mach. Ghelijck eenen wech, die bi sekeren distantien, ghedeelt ende gheteekent es, den reysers behaeghelijcker ende min verdrietelijck wordt.
Auteursrechtvrij