Rethoricale wercken
(1562)–Anthonis de Roovere–
Auteursrechtvrij
[Folio 46r]
| |
Afgront Doorgaens Ontfaermen Meenende
Jnghelicxste Natuere Vercoorne Spatie
Troostersse Elcken Compasisie Verleenende
Met den ooghen van mijnder sielen weenende
kniel ick uwer moeder maechdelicheyt voren
daer tsvaders wijsheyt hem was vercleenende
in v, ende is hier mensche gheboren
den Jugeerder, ende den verlosser vercoren
ende onsen godt, die is onsen broerer nv
Aue Maria dies danck ick v.
Bouen Eenighe Namen Eewichste Duecht
Judiths Comparatie seer Tamelijcxst
Altijdts Toeuelicxste Vueerdichste Juecht
Noodtdursteghe Moederlicxste Vramelicxst
Louelicxste Jnstrument Eersamelicxst
Ridderlicxste Joyeuse, Blijdelicxst Verchiert
Soete Excellentst Tresoor Bequamelicxst
Eruelicxst Notabelste Eerlicxst Duerviert
Jonstelijck Confoort Traecheyt Voort Stiert
van my princersse mijnder siele ghenesen
zoogheghe tsbehouders diet al regiert
daer de minnen substantie is by gheresen
mijns vleesch vermaeckeghe voedighe ghepresen
zijt ghy eerst weerende tsvyandts grou
Aue Maria dies danck ick v.
Feestelijcke Rachel Vrome Coninghinne
Toeuerlaet Vol Saleghe Vrede
Eerderijcx Nuttelicste Troosterinne
Reyne Jahel, Sisara Tormentelickhede
Verlichtende Jn Jsrael Hope ende Sede
| |
[Folio 46v]
| |
Verblijdende Sondaers Claghende rauwe
Juechdelijcke Spieghel Ter Vrolijcxster Stede
Aensiet Mijn Ellende Noydt vriendt ghetrauwe
want v benedictie zoetst van dauwe
is elck creatuere ghebenedijdt
niet alleene tscheppers creature vrauwe
maer tscreatueren schepper verblijdt
in v, die volst van gratien zijdt
want ghy composeert den hoochsten bailiou
Aue Maria, dies danck ick v.
Egglentier, Roozier Eerste Verheuene
Ontfaermeghe Onderdanighe Rancke
staet my doch by ten laetsten leuene
en behoudt van sneuene // my aerme crancke
want van uwen drancke // en wordt niemant schou
Aue Maria, dies danck ick v.
|
|