Doe bleefs in mich
(1982)–Felix Rutten–
Auteursrechtelijk beschermd
[pagina 43]
| |
Den haof is muig van zovööl zomerblui...Den haof is muig van zovööl zomerblui
En zon en Juli-hits, en ich berui
Dat 'ch hööm gei water kan mit tobbe brènge.
't Sjteit alles dao zo sjtil gelaote noe.
't Geit nao de zachte, floeren aovend toe,
Al blieve nog get late vènkskes zènge.
Es noe de Nach mer frisje raenge gouf,
Ei glinstren euver alle blui en louf,
Dat zo besjwöörd* en sjlap dao hink te kwiene.
Wie sjoon zou dan, nao dit verdreit en zörg
De zòn, weir opgesjtange mörge vruig,
Euver de bloume hun gezichskes sjiene!
|
|