Werken. Deel 2. Vanden gheesteliken tabernakel

Regelnummers proza verbergen

Vander gaven des Raets. C. XXVIII.

16Nu laet ons noch vorder udewert keren in beiden siden 17metten lampten, ende metten gaven, ende oec met dogeden 18die daer toe behoeren. Metter naester lampten die hier na 19volget, soe verstaen wi die gave des Raets. Die raet ons 20Heren dat es ·j· inwindech trecken ochte ruren des heilegen 21Geests, dat onse minnende cracht van binnen gheraect, ende 22eisct ons dat wi scuwen ende vlien alle onlede der werelt⁽²⁾, 23ende alle minscen die ons udewert trecken, ende alle 24menechfuldecheit van binnen, ende dat wi enecheit van 25geeste minnen. Ende dit raedt ons oec onse Here Jhesus

(2) Sur. omnem mundi occupationem et inquietudinem.

[p. 167]

1Christus selve, daer hi sprect: Eens es noet⁽¹⁾; wiltu 2volcomen sijn, vertie ende vercoep al dat du heves⁽²⁾, dat 3es, late alle dinc van buten gewerden, ende com in di 4selven, ende volch mi alsoe na in inwindegen vrede, in 5enecheiden ende in rasten. Eest dat wi desen rade gevolch- 6sam sijn, soe sterven wi alre menechfuldecheit, ende alsoe 7vercrigen wi die vierde hoeft doecht, dat es ene minleke 8neiginge in enecheit; ende al neigende soe hoeren wi den 9raet ons Heren, ende al horende soe neigen wi minlec in 10enecheit, ende vergeten alre menechfuldecheit. Ende dit es 11dat die prophete sprect tote onser minnender cracht: Hoere, 12dochter (meint hi), den raet ons Heren, ende sich ane die 13enecheit, ende neige dine oere in die enecheit, ende vergete 14dijn volc ende dat huus diens vader; dat es, vergete alle 15onleden alre creaturen; ende dan sal dijn coninc dine scoen- 16heit begeren, want dan es hi dijn Here, dijn God, ende alle 17dine crachte selene anebeden⁽³⁾. Ende alsoe selen wi heme 18eweleec offerande doen, want onse minnende cracht sal 19emmermeer neigende sijn in enecheit ons geests⁽⁴⁾: ende 20daer mede es onse minnende crach vol olien; want minleke 21neiginge in enecheiden, dat es die olie ons ewegen vreden, 22daer wi alle onse viande mede verdriven, ende in Gode 23ewege raste gecrigen, eest dat wi daer inne hebben dat 24rechte lenement, dat es dat die enecheit ons geests hare 25selven altoes ontsinct in die enecheit Goods. Alsoe mogen 26wi onse enecheit vinden gefundeert in Gode, ende aldaer 27wert onse olie onsteken met den rade ons Heren, ende alsoe

(1) Unum est necessarium. Luc. 10, 42.

(2) Zie Matth. 19, 21.

(3) Zie Ps. 44.

(4) Sur. in unitatem spiritus nostri.

[p. 168]

1vercrigen wi eenvuldecheit van binnen; ende op die eenvul- 2decheit selen wi funderen onse verclaerde geesteleke wande- 3linge vore Gode: ende alsoe selen wi bliven ingekeert, 4ende God sal eweleke woenen in ons ende wi in Gode.