Werken. Deel 4. Dat rike der ghelieven. Vanden vier becoringhen. Vanden seven sloten. Van seven trappen

Regelnummers proza verbergen

[p. 2]

Dit is die ierste trappe. C. I.

1Ende⁽¹⁾ alse wi eendrachtich ende eenwillich sijn metten 2wille ons Heren, soe hebben wi die ierste Trappe⁽²⁾ in den 3graet der minnen en̄ heylichs levens. Een goet wille is fondament 4van allen doechden. En̄ hier omme sprect die prophete 5David: ‘Here, ic bin tot u ghevloen: leert my te 6werkene uwen wille, want ghi sijt mijn God. Dijn goede 7gheest sal my leyden int rechte lant der waerheit en̄ der 8doechde⁽³⁾.’

9Een goet wille, met den wille Gods gheenicht, verwint den 10duvel en̄ alle sonden; want hi is vol der gracien Gods, en̄ hi 11is die ierste ofſerhande die wi Gode sculdich sijn en̄ gheven 12moeten, selen wi heme leven. Die goetwillighe mensce 13meint en̄ begheert Gode te minnenne en̄ te dienenne, nu en̄ 14ewelic. En̄ dat is sijn leven en̄ sine oefeninghe van binnen, 15en̄ daerin heeft hi vrede met Gode, met hem selven en̄ met 16allen dinghen. En̄ alsoe songhen die inghelen inder locht doe 17Christus gheboren was: ‘Glorie Gode hier boven, en̄ inder 18erden vrede den menschen die goeds willen sijn⁽⁴⁾.’ 19Goet wille en mach niet ledich sijn van goeden werken, 20want die goede boem brinct goede vrucht, sprect onse Here⁽⁵⁾.

(1) Onze dry Hss. hebben hier eene rubriek; doch men ziet uit deze conjunctie zelf, dat het eerste capittel met de Prologhe oorspronkelyk aeneen hangt.

(2) Men ziet dat het woord trappe vrouwelyk gebruikt is, met welk geslacht het by de Ouden immer voorkomt. Ons huidige trap is mannelyk.

(3) Vglk. Ps. 142, 9-10.

(4) Vglk. Luc. 2, 14.

(5) Vglk. Matth. 7, 17.