Werken. Deel III
(1934)–Jan van Ruusbroec–
Auteursrecht onbekend
[pagina 92]
| |
huis dyns vader, want die coninc heeft dine schoonheit begheert’Ga naar voetnoot1).  Ende hier-omme biddic u, lieve suster, hoort gode ende uwe prelate, ende siet ende merket wat si u ghebieden, ende neycht uwe oore tot alder ghehoorsamheit. Ende dan sal de coninc, dat es cristus, uwe schoonheit begheren.  Des morghens <alse>Ga naar voetnoot2) ghi messe ghehoort hebt, soe gaet in uwe laboer.  Eest oec alsoe dat ghi <alsoe>Ga naar voetnoot3) onledich moet syn dat ghi gheene messe hooren en moechtGa naar voetnoot4) noch oec ten sacramente gaen, hier-omme en syt niet te onvreden; want ‘god heeft liever ghehoorsamheit dan sacraficie’Ga naar voetnoot5). Ende de vrocht ghelatens willens es altoes meere ende edelder dan de vrocht eyghens willen.  Ende hier-omme, aengrypt altoes den versmaedsten nedersten dienst, eest in de koekene ochte int siechuys. Niemene en suldi heetenGa naar voetnoot6) noch ghebieden, het en si dat ghi boven hem ghesedt sydt. Maer altoes doet selve gherne dat ghi vermoecht. Beveeltmen u oec den nedersten dienst, soe syt blide ende danckesGa naar voetnoot7) gode dat ghi daer-toe doechtGa naar voetnoot8).  Beveelt men u oec die siec ochte cranc syn, soe dient hem blide ende saechte ende oetmoedich ende sonder murmuracie. Eest oec dat si pynlyc ende onghedoechsam syn, peinst dat ghi cristo dient, ende toent uwe aenschyn soe saechtmoedich ende soe goedertieren dat si hem scamen moghen vore gode ende vore u.
 Ende soe si armer ende sieker syn ende min vriende hebben, soe ghi hem eer dienen sult. Ende en siet niet alleene ane den-gheenen dien ghi dient, maer noch meer gode daer ghi omme dient.  Hoedt u met groten eernste dat ghi die sieken niet en bedroeft noch en bedruct met uwen waerdenGa naar voetnoot9), noch met werken noch met ghelate. Maer als ghi se vendt bedroeft ochte onverduldich, dan suldise troosten met den doghene ons heren ende met den doghene der heilighenGa naar voetnoot10): hoe si blidelyc ghedoecht hebben; ende daer-omme syn si nu glorioes ende salich in dat eewighe leven.  Ende als die sieken enich dincGa naar voetnoot11) begheren dies hem noet es, dies
| |
[pagina 93]
| |
suldi hem ghehulpen soe ghi eerstGa naar voetnoot1) moecht. Begheren si oec dat hem niet goet en ware, daer si ave versieken souden, eest dat ghi dat ontsietGa naar voetnoot2), soe seldi u ghelaten oft ghysGa naar voetnoot3) niet en verstont oft niet en hoort. Ee[e]st dan dat syt emmerGa naar voetnoot4) hebben willen, soe seldy hem segghen dat hem deeren soude. En willen si dan niet ave-laten, soe wert te rade metGa naar voetnoot5) uwen oversten, oft met den-gheenen die vroeder syn dan ghi.  Al dat ghi hem bereitGa naar voetnoot6) in spysen ochte in drancke, dat doet alsoe reynlyc, ende dat maect alsoe smakelyc, ochteGa naar voetnoot7) ghi cont, datGa naar voetnoot8) hemGa naar voetnoot9) ghenoeghe, ende ghi vrede behout in beiden siden.  Ghi sult hem [oec]Ga naar voetnoot10) hare bedde vermaken, ende al dat gemac [aen]Ga naar voetnoot11) doen dat ghi moechtGa naar voetnoot12), naGa naar voetnoot13) dat sy teeder syn ende sys behoeven.  Ghi sult by hem bliven ende waken, hebben sys noot.  Ghi sult bi hem alsoe blide syn, ende alsoe <speelyc ende vermakelyc>Ga naar voetnoot14) van woorden dat yeghewelc sieke uws beghere.  Goede woorde ende goede exemple van onsen here ende van sinen heilighen suldi hem segghen, eest dat syt hooren willen, alsoe dat si alle gheestelyc ghespyst werden aen der zielen daer ghy jeghenwoordich syt.
|
|