Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Vijf redene sijn waer bi die man sal werken met sijns wijfs rade. C. VII.

 
DEr wive onscout hebdi ghehoert:
 
Nu hoert vijf redenen voert
 
Daer men claerlike aen mach merken
[pagina 27]
[p. 27]
 
Datmen horen sal ende werken
695[regelnummer]
Nader wiven raet / eest dat hi
 
Seker goet en̄ nuttelijc si.
 
Men seghet dat der wiven raet
 
Es alte goet of alte quaet
 
Men leest daer / alsic versta
700[regelnummer]
Dat vrouwe Rebecca
 
Isacke riet haren man
 
Dat hi die benedixie gaf dan
 
Iacob sinen sone /
 
Daer hi bi waert scone
705[regelnummer]
Boven sine brueders scone en̄ here /
 
En̄ oec quam tot sulker ere
 
Dat hi waert al tenen gader
 
Van .xij. gheslachten vader /
 
Daer die Gods Sone vercoren
710[regelnummer]
Ute woude sijn gheboren.
 
Iudith oec / die wise vrouwe /
 
Verloeste / alsic bescreven scouwe /
 
Die stat daer si woende binnen
 
Die Olyfernus woude winnen /
715[regelnummer]
En̄ destruerense sonder ghenade.
 
Dit dede si met wisen rade.
 
Abygail in deser wijs
 
Verloeste oec met rade wijs
 
Naballe haren man
720[regelnummer]
Dien coninc David op ran
 
Om dat hine woude verslaen.
 
Sijn vrouwe Hester oec sonder waen
 
Verloste met goeden rade
 
Die Ioden van groten scade
[pagina 28]
[p. 28]
725[regelnummer]
En̄ verhiefse hoghelike
 
In coninc Asuerus rike.
 
Deser exemplen soude men u
 
Sonder inde tellen nu /
 
Dat wive in haren leven
730[regelnummer]
Goeden raed hebben ghegheven.
 
Dander redene / waer bi
 
Wijfs raet te horene si
 
Ende oec te doene / op dat hi
 
Orberlijc es ende vry
735[regelnummer]
Machmen merken daer an:
 
Doen onse Here den yrsten man
 
Hadde ghemaect / sprac hi ten saken:
 
Laet ons hem een hulpe maken
 
Hem en behoert niet allene te sineGa naar voetnoot1!
740[regelnummer]
Doen nam hi al sonder pine
 
Een rebbe uut Adams lijf
 
En̄ maecte daer af een wijf /
 
Om dat si hem in daden
 
En̄ in rade soude staen in staden.
745[regelnummer]
En̄ wet dat / sonder waen /
 
Dat ertrike niet en mochte staen
 
Noch in goeden poente bliven
 
Sonder raet en̄ hulpe van wiven
 
Want onse Here seghet selve daer
750[regelnummer]
In dEwangelie openbaer
 
Dat die man sal beyde gader
 
Laten moeder ende vader /
 
En̄ met sinen wive gaen /
[pagina 29]
[p. 29]
 
En̄ beyde in enen vleesche staenGa naar voetnoot1.
755[regelnummer]
En̄ na dien dat wijf en̄ man
 
Een vleesch sijn / so en sal dan
 
Dwijf niet versmaed wesen;
 
Want wi in die Scrifture lesen
 
Dijns selfs vleesch wats ghesciet
760[regelnummer]
En soutu versmaden nietGa naar voetnoot2.
 
Die derde redene es dese /
 
Ghelijc dat ic daer lese
 
In een vers openbaer /
 
Dats ghesproken over menech jaer /
765[regelnummer]
Dat wijf es beter menechfout
 
Dan ghesteynte / silver of gout /
 
Als of hi ons woude maken vroet /
 
Dat gheen dinc en es so goet
 
Alse dwijf op ertrike /
770[regelnummer]
Want men niet en vint dies ghelike.
 
Die vierde redene / alsic versta /
 
Bescrijft oec Seneca /
 
Die / boven al dat leeft /
 
Goeden vrouwen prijs gheeft.
775[regelnummer]
Hi seghet dat gheen dinc en gheyt
 
Boven wijfs goedertierenheyt;
 
En es niet so wreet no so stijf
 
Als een quaet onrastelijc wijf.
 
Also ghelijc als goede vrouwen
780[regelnummer]
Haer lijf setten met trouwen
[pagina 30]
[p. 30]
 
Voer haers mans salichede /
 
Also settet quaet wijf mede
 
Haer lijf met ernste groet /
 
Om toe te bringhen haers mans doet.
785[regelnummer]
Die vijfste redene bringt ons toe
 
Die wise Cathoen seghet alsoe:
 
Al es dijns wijfs tonghe wreet /
 
Op dat daer wijsheyt uut gheet /
 
Dat soutu lieflike verdraghen.
790[regelnummer]
Men hoert Seneca ghewaghen /
 
Die in wijsheden niet en was slap /
 
Dat des goeds wijfs gheselscap
 
Boven alle gheselscap gaet:
 
Si houdt des mans huysraet
795[regelnummer]
En̄ draghet sorghe ende hoede
 
Van sinen live / van sinen goede.
 
Waer haer man gaet of vaert /
 
Altoes es si sere vervaert
 
Om sijn lijf en̄ om sijn ere /
800[regelnummer]
En̄ sorghet om hem harde sere.
 
Here Melibeus / hier bi /
 
Wilt horen ende werken bi mi:
 
Ic sal / wilt God / in corter stont
 
U dochter leveren al ghesont /
805[regelnummer]
Ende doen al termineren
 
Cot uwer baten en̄ tot uwer eren.

voetnoot1
Vglk. Genes. 2, 18.
voetnoot1
Vglk. Matth. 19, 5.
voetnoot2
Vglk. Isaiae, 58, 7.
[tekstkritische noot]Vs. 769. H. Als igoede wijf op erderike.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken