Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Die sake waer om dat God gaf Melibeus die onraste. C. XLI.

2490[regelnummer]
DIe sake / waer bi u God gaf
 
Dese grote onraste daer af /
 
En mochten wi weten niet
 
Die rechte waerheyt/ wats ghesciet /
 
Niet meer dan wi kinnen
2495[regelnummer]
Eens anders herte binnen;
 
Also Paulus ende propheten met
 
In haer boeken hebben gheset /
 
Also en mach van Gods werken
 
Nieman claer die waerheyt merken.
2500[regelnummer]
En si bi moedene na gherake/
 
En ghesciede niet sonder sake
 
In alle dese werelt wijt.
 
En̄ oec / des wel seker sijt /
 
Dat ic wel houde / in dien
2505[regelnummer]
Dat dit God liete ghescien /
 
Dat het es biden saken al
 
Die ic u nu vertrecken sal.
[pagina 91]
[p. 91]
 
Ghine hebt niet ontsien Gode /
 
Noch ghehouden sine ghebode.
2510[regelnummer]
En̄ oec uwen evenkersten
 
Hebdi dicke laten ghebersten /
 
Onrecht ghedaen ende ghevreest
 
En̄ altemale uwes selfs gheweest.
 
Melibeus / diet wel bedinct /
2515[regelnummer]
Bediedt een man die honich drinct.
 
Des hebdi so vele ghedroncken /
 
Dat ghi daer af sijt al droncken
 
En̄ daer bi / wildijt weten /
 
Dat ghi Gods hadt vergheten
2520[regelnummer]
En̄ so verstijft in u rijcheyt /
 
Dat al u dinc es ijdelheyt.
 
En̄ al dat begherden u oghen
 
Dat hebdi hem toe ghetoghen /
 
En̄ hem ghevolghet tallen uren /
2525[regelnummer]
En̄ vergheten der Scrifturen /
 
Die ons leert ende doet verstaen
 
Hoe wi souden wederstaen /
 
En̄ steken uut onser herten
 
Altoes der oghen begherten /
2530[regelnummer]
Als Ovidius ende Salomoen
 
In haer boeken weten doen.
 
Dat honich / daer ic af seyde /
 
Es der werelt soetecheyde /
 
Daer ghi u toe hebt ghekeert
2535[regelnummer]
So dat God op u es verseert.
 
Nu laet ons merken bi gheliken /
 
Hoe God sijn vonnesse sal striken
 
Na dantworde vander mesdaet.
[pagina 92]
[p. 92]
 
U drie viande / dat verstaet /
2540[regelnummer]
Die u huus ane vochten /
 
En̄ met lederen besochten /
 
Dat sijn drie viande starc en̄ loes
 
Die ghi u liet verwinnen altoes /
 
Daer hem elc jeghen hoeden moet
2545[regelnummer]
Die te Gode wilt hebben spoet;
 
Want si nacht en̄ dach poghen
 
Hoe si die ziele bedrieghen moghen:
 
Deen es die werelt / dander tvleesch /
 
Die derde / de duvel en̄ sijn eesch.
2550[regelnummer]
Dat sijn drie viande / wet wel dan /
 
Die den mensche vechten an.
 
U lichame / daer dese voer striden /
 
Dat es dat huus uwer zielen;
 
Want daer u ziele woent binnen.
2555[regelnummer]
Nu wilt dan voert versinnen
 
Die vinsteren / in waren dinghen /
 
Daer dese viande in ghinghen /
 
Dat sijn oghen / nesen en̄ mont
 
Doer dese vinsteren / dat si u cont /
2560[regelnummer]
Liden die ghenoechlijcheyden
 
Die Gode die ziele ontleyden /
 
En̄ wondense so swaerlike
 
Dat si verliest hemelrike.
 
Bi uwer dochter / sonder waen /
2565[regelnummer]
So moghedi u ziele verstaen
 
Die met vijf wonden ghewont es so /
 
Die mids vijf sinnen comen toe /
 
Dats sien / horen en̄ smaken met /
 
Rieken ende tasten / dat ghijt wet:
[pagina 93]
[p. 93]
2570[regelnummer]
Dit sijn vijf wonden / sijts gewes /
 
Daer uwe riele mede ghequetst es.
 
Dat God daer om liet ghescien
 
Dat ghi ghedencken soudt en̄ aensien
 
Die vijf wonden / in ware dinc /
2575[regelnummer]
Die hi doer onsen wille ontfinc /
 
En̄ om uwer dochter mede
 
En̄ om alle menschelijchede /
 
Overmids welken wonden
 
Hi den mensche tallen stonden
2580[regelnummer]
Alte gherne behouden soude
 
Dat hi quame te sire ewigher vroude.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken