Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 117]
[p. 117]

Melibeus antworde ende Prudentien. C. LIV.

 
MElibeus antworde doe:
 
Vrouwe / wat wildi dat ic doe?
3270[regelnummer]
Ghi weder raedt mi dat wreken /
 
En̄ ic en hore nieman spreken
 
Noch ghewaghen / lude of stille /
 
Dat mi yeman beteren wille /
 
Noch dat yemanne es leet
3275[regelnummer]
Dan hem allen diet aen gheet.
 
Wildi dat ict varen late /
 
Sone mindi mijn ere no bate;
 
Maer ghi daedt alte hant ghewach
 
Datmen metter hant vechten mach /
3280[regelnummer]
En̄ striden om sulke saken
 
Daer men pays mede mach maken.
 
Daer om willic al te handen
 
Striden met minen handen /
 
So selen si te hant daer bi
3285[regelnummer]
Die soene soeken aen mi.
 
Alse die vrouwe dit heeft ghehoert /
 
Antworde si sere ghestoert:
 
So watmen castijt den doren
 
Of den esel herpt in sijn oren /
3290[regelnummer]
Dats al verloren arbeyt.
 
Ic hebt u nu toe gheseyt
 
En̄ gheproeft en̄ uut gheleyt:
 
Menech scoen auctoriteyt
 
Van vele wiser lieden
3295[regelnummer]
Diet wreken weder rieden/
[pagina 118]
[p. 118]
 
Daer ghi niet af en houdt een aes.
 
Men mach u over enen dwaes
 
Waerlijc houden alte male /
 
Ghi moghet pays hebben wale
3300[regelnummer]
Met ghemake tuwen wille /
 
Sonder strijt sittende stille /
 
En̄ sonder alle vreze daer bi:
 
En̄ hebt nochtan liever dat ghi
 
Met stridene den pays maect /
3305[regelnummer]
Dit es sot ende ongheraect.
 
Doen Melibeus dus hoerde
 
Sijns wijfs verbolghen woerde /
 
Sprac hi: Vrouwe / in wille niet
 
Dat ghi u op mi stoert yet;
3310[regelnummer]
Maer hebbic messeghet of mesdaen /
 
Dies willic al tuwen wille staen /
 
En̄ ic wilt al houden int goede /
 
Dat ghi mi segt met erenste moede.
 
Prudentia antworde nu:
3315[regelnummer]
Ic en belghe mi niet op u
 
Sonder sake / voer waer gheseyt /
 
Maer al om uwe salicheyt;
 
Maer wildi minen rade volghen
 
En̄ tempert uwen raet verbolghen /
3320[regelnummer]
Ic sal uwe viande doen comen
 
Tuwen wille met groter vromen /
 
Dat ghijs ewelijc sult hebben ere.
 
Melibeus antworde / die here:
 
‘Na dien dat u die raedt ghestaedt
3325[regelnummer]
En̄ ghijt mi op trouwe raet /
 
So doet daer uwen wille met /
[pagina 119]
[p. 119]
 
Ic houdt ghestade waer ghijt set.’
 
Prudentia sprac ter selver tijt:
 
‘Gheeft mi een cort respijt /
3330[regelnummer]
Ic salt u wel bringhen toe.’
 
Melibeus sprac doe:
 
Doeter met al uwen wille.
 
Prudentia ontboet al stille
 
Die adversarien te samen
3335[regelnummer]
Die heymelike tot haer quamen.
 
Si ghinc hem segghen en̄ ruren
 
Vander sware avonturen
 
Die van orloghe mochte comen /
 
En̄ van payse vele vromen;
3340[regelnummer]
En̄ dat si oec wouden verstaen /
 
Dat si vele hadden mesdaen
 
Aen haer dochter en̄ aen haer /
 
Waer hi haer man so erre waer
 
Dat hi sonder afbreken
3345[regelnummer]
Dat emmer woude wreken;
 
Maer ware hem haer mesdaet leet
 
En̄ dat beteren wouden ghereet
 
Dat sijs coenlike bleven dan
 
In Melibeus / haren man /
3350[regelnummer]
Si soudene wel hebben in dien
 
Dat hem niet en soude messchien.
 
Doen waren si so blide
 
Dat si ten selven tide
 
Van bliscapen weenden doe.
3355[regelnummer]
Dus spraken si der vrouwen toe:
 
‘Wise vrouwe en̄ goede /
 
Boven allen vrouwen vroede /
[pagina 120]
[p. 120]
 
Gheloeft sidi dat ghi dit segt /
 
En̄ ons dit te voren legt.
3360[regelnummer]
Wine hadden u niet dorren porren /
 
Noch hier af bidden dorren.
 
Hier heeft ons dwaesheyt toe brocht:
 
Daer bi souden wi ghesocht
 
Talder yrst hebben oetmoet /
3365[regelnummer]
Alse wi oec hadden / des sijt vroet /
 
Maer wine wisten niet met allen
 
Dat ons hadde moghen vallen.
 
Vrouwe / nu willen wi / vroech en̄ spade /
 
Altoes werken bi uwen rade /
3370[regelnummer]
En̄ van allen lude ende stille /
 
Bliven in mijns heren wille /
 
Ghelijc dat ghi hebt gheseyt.
 
Wi bidden u / vrouwe / op goedertierenheyt
 
Oetmoedelijc dat ghi dus doet /
3375[regelnummer]
Nochtan duchten wi / des sijt vroet /
 
Omdat onse mesdaet es so groet /
 
Dat hi ons in groter noet
 
En̄ scanden setten mach / want hi
 
Sonderlinghe gram op ons si.
3380[regelnummer]
Daer bi / lieve vrouwe / soe
 
Bidden wi u / helpt ons hier toe /
 
Dat ghi ons also bewerft
 
Dat wi niet en bliven bederft.’
 
Prudentia sprac: Dats waer /
3385[regelnummer]
‘Hets jeghen redene en̄ alte swaer
 
Ieghen recht en̄ jeghen wet /
 
En̄ onbehoerlijc daer toe met
 
Dat enech mensche soeken soude
[pagina 121]
[p. 121]
 
Ane sinen viant troest en̄ houde
3390[regelnummer]
Om in sinen wille te staen
 
Van dat hi hem hadde mesdaen;
 
Maer al sidi fere mesdadech /
 
Mijn here sal u sijn ghenadech /
 
Daer en twifelt u niet an.
3395[regelnummer]
Hies so goedertieren een man
 
En̄ so milde daer toe mere /
 
Hine gheert el niet dan ere.
 
Hets waer / Salomon heeft bescreven:
 
Nieman en sal macht gheven
3400[regelnummer]
Boven hem selven wijf no kinde /
 
Noch anderen mensche / hoe sere hine minde;
 
So eest wel te wetene dan
 
Dat sinen viant gheen man
 
Boven hem selven sal gheven macht /
3405[regelnummer]
Wie dat doet es qualijc bedacht.
 
Maer hier om en lates niet /
 
Ghine doet dat ic u riet /
 
Ic salne hebben wel in dien
 
U en salre niet af messchien.’
3410[regelnummer]
Die drie viande spraken nu:
 
‘Vrouwe / wi ghetroesten ons tot u /
 
En̄ in uwe goedertierenhede
 
En̄ in Melibeus mede /
 
En̄ uwer beyder wille
3415[regelnummer]
Willen wi doen lude en̄ stille;
 
En̄ so / wanneer ghijt ghebiedt /
 
Doet ons halen ende en lates niet /
 
Wi willen sijn ghereet
 
Te doene al u beheet.’

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken