Print Nederlandsche gedichten uit de veertiende eeuw van Jan van Boendale, Hein van Aken e.a.(1869)–F.A. Snellaert– Auteursrechtvrij Vorige Volgende Exemple int Nuwe Testament. C. IV. NU alst Gode dochte tijt 415[regelnummer] (Wies name si ghebenedijt) Dat sijn hantghewerke na en̄ voren Alte male soude bliven verloren En̄ sijns vergheten hadde algader / Ontfermes den hemelschen Vader 420[regelnummer] En̄ woude des maken een inde / So dat hi sinen Sone sinde Hier neder om te keerne Donghelove en̄ te leerne Den wech ter ewigher salichede / 425[regelnummer] Daer men te hemelrike comt mede. Dat was Christus / in waerre dinc / Die menschelike vorme ontfinc In Marien der maghet pure Ieghen loep der naturen. 430[regelnummer] Dese ghinc predeken openbaer Dat ghelove al sine iaer / En̄ leerde die salighe ghebode Daer men mede comt te Gode / Die ons noch sijn bleven [pagina 152] [p. 152] 435[regelnummer] In d Ewangelien bescreven / Die so fray sijn en̄ so goet Datter Christus voer storte sijn bloet / En̄ aen enen cruce starf Daer hi de macht des viants met verdars / 440[regelnummer] En̄ die helle scoerde mede En̄ hemelrike ontdede; Namaels sine Apostelen sande Predeken van lande te lande / Die den wech leerden te hemelrike 445[regelnummer] En̄ tfolc bekeerden vromelike; En̄ ye seder in alre tijt Es dat kersten volc ghedijt En̄ ghebetert spade en̄ vroe / En̄ nemt in lanc so meer toe 450[regelnummer] Int ghelove en̄ in weldaet; En̄ also langhe als ertrijc staet Salt kersten volc beterende sijn / Aldus es tghelove mijn. Ia / Heydene en̄ Ioden mede 455[regelnummer] Selen noch vallen aen kerstenhede / En̄ sal een herde en̄ een coye wesen / Aldus hebbic ghelesen. Vorige Volgende