Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Vander lantsheren state en̄ hare ghebreke. C. XI.

 
IAn / ghi hebt mi wel berecht
 
Van elken poente op sijn recht
[pagina 166]
[p. 166]
 
Dat ic u wilde vragen /
845[regelnummer]
Maer in hore u niet ghewaghen
 
Van coninghen ende van lantsheren /
 
Hoe u dunct dat si hen keren
 
Ter doghet en̄ ter gherechtigheyt.
 
En ware u die arbeyt
850[regelnummer]
Niet te groet / ic soude u vragen
 
Hoe dat si u behaghen?
 
Behaghen / Wouter / lieve vrient!
 
Die heren sijn so ontsient
 
Dat trouwe / ere en̄ scamelheyt
855[regelnummer]
Der heren hoven es ontseyt.
 
Ghierecheyt en̄ verradenesse mede
 
Houden daer al die stede;
 
Want een Iode of een cauwersijn
 
Soude vele willecomer sijn
860[regelnummer]
Ter heren hove die ghelt brochte /
 
Of die lenen of gheven mochte /
 
Dan een reyn baetseleer sonder blame
 
Die van Iherusalem quame
 
En̄ theylighe graf hadde ghewonnen
865[regelnummer]
En̄ heydenesse hadde al doer ronnen.
 
Wouter / sider dat heren lieten
 
De sceemele en̄ die verstieten /
 
En̄ haer ere niet en daden bewaren
 
Hen die vander eren comen waren /
870[regelnummer]
En̄ die felle knechte op hieven
 
Die alle scalcheyt connen brieven /
 
Die si brenghen ter heren oren /
 
En̄ si daer na wouden horen /
 
En̄ hen dat wijsheyt dochte /
[pagina 167]
[p. 167]
875[regelnummer]
In dien dat ghelt in brochte /
 
En̄ si dat ghelt minden meer
 
Dan gherechticheyt en̄ eer /
 
En̄ om ongherecht ghenieten
 
Gherecht vonnesse achter lieten /
880[regelnummer]
En̄ niet en setten hare sinne
 
Om dat heylighe graf te winne /
 
En̄ wedewen ende wesen
 
Niet en holpen uter vreesen /
 
So sijn die heren met allen
885[regelnummer]
Aen der scande strijt ghevallen /
 
En̄ messen ghelucs en̄ eren.
 
Nu merct ane alle die heren
 
Die men in die werelt vendt
 
Hoese God plaeght en̄ scendt
890[regelnummer]
Aen macht / aen ere en̄ aen have /
 
Weder het si coninc of grave
 
Die ic u wel noemen soude bloet /
 
Maer des en es ghene noet.
 
Roef / cracht en̄ ghewout /
895[regelnummer]
Dat de heren van rechter scout
 
Over al souden berechten
 
En̄ scarpelijc daer over rechten
 
So waer datmense ghevreescht /
 
Des pleghen si al selve meest.
900[regelnummer]
Nochtan eest leelijc enen rechter
 
Dat hi nemer es of vechter /
 
Oft eneghe dinghe selve doet
 
Daer hi sijn volc af castijen moet.
 
En̄ om dat van ertrike
[pagina 168]
[p. 168]
905[regelnummer]
De heren so cranckelike
 
Ter eren setten haren sin /
 
So roekender oec te min
 
Beyde riddren en̄ knapen /
 
Die ter eren en̄ ten wapen
910[regelnummer]
Haer leven souden keren
 
Hadden sijs danc vanden heren.
 
Wouden heren noch ghereyt
 
Ter eren hen setten en̄ ter miltheyt /
 
En̄ gheven goet en̄ onste
915[regelnummer]
Hem diet verdienen conste
 
Met doeghden en̄ met vromecheden /
 
Als Alexander en̄ Karle deden /
 
Noch so souden si vinden sciere
 
Beyde Roelande en̄ Oliviere /
920[regelnummer]
En̄ dat heylighe lant winnen
 
Daer God leefde en̄ starf binnen.
 
Si gheven haer goet ribauden /
 
Meestekren en̄ yrauden /
 
Om dat si haer ere souden uut draghen
925[regelnummer]
Over al daer si haers ghewaghen /
 
In elke stad en̄ in elc hof.
 
Maer dat dunct mi een cranc lof
 
Dat knechte en̄ boeven gheven;
 
Maer alse een reyn / eersam leven /
930[regelnummer]
Wijsheyt / doeght en̄ vromecheyt
 
Den man prijst metter waerheyt /
 
So es hi gheprijst met eren.
 
Men darf nieman hueren no leren
 
Sinen name te brenghene voert
935[regelnummer]
In hof / in dorpe noch in poert /
[pagina 169]
[p. 169]
 
Die goet es / dats een ghemeyn spreken /
 
Hine darfs ghenen wisch wt steken;
 
Want ane den nest es saen vermoedt
 
Wat vogle datter inne broedt.
940[regelnummer]
God moete die lantsheren
 
Cortelike also bekeren
 
Datter in ligghe sijn ere en̄ sijn lof /
 
En̄ tfolc werde verblijdt daer of.
 
Nu hebbic dier waerheyt
945[regelnummer]
Vander heren state gheseyt.

[tekstkritische noot]Vs. 877. Hs. Dat.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken