Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Dits vander avonturen. C. XVII.

 
DAvonture / Ian / wats dat /
 
Dat daer omme keere dat rat /
 
Den euen op / den andren neder /
1605[regelnummer]
En den sulken heft si op weder/
 
Oft si dus mach gheven al
 
Gheval en̄ ongheval /
 
En̄ alle dinc hier bestiert?
 
Hoe comt datmen niet en viert
1610[regelnummer]
Haren dach en̄ houdt haer ghebot?
 
Wat / es si minder dan God?
 
Wouter / mi es lief dat ghi
 
Des nu hebt vermaent mi;
 
Want mi heeft langhe int herte gesteken
1615[regelnummer]
Dat ic gherne soude spreken
 
Van avonturen een luttelkijn /
 
Om some dichters die sijn /
 
Die asaghen en̄ tureluren
 
Dichten vander avonturen /
1620[regelnummer]
Die niegherinc toe en doghen /
 
En̄ die oec niet sijn en moghen
 
Alse dat si gheven soude
 
Goet en̄ quaet / daer si woude /
 
Den enen hoecheit / ere ende goet /
1625[regelnummer]
Den andren werpen onder voet;
 
So wat dat si segghen hier af /
 
Dat en doech niet een caf.
[pagina 192]
[p. 192]
 
Wouter / lieve vrient / nu hoert:
 
Avonture es maer een woert /
1630[regelnummer]
Dat .ix. littren hevet an /
 
Die noyt lijf no gheest en ghewan /
 
Noch noyt nature en ontfinc /
 
Noch wesen van en gheenre dinc.
 
En̄ oft si gheest heeft en̄ leven /
1635[regelnummer]
En̄ quaet en̄ goet can gheven /
 
Wat cledre draegt si / berecht mi /
 
Of waer so woent si /
 
Weder inden hemel of in die locht /
 
Of onder derde in enen crocht?
1640[regelnummer]
Het sijn al gheviseerde dinghen
 
Dat si aldus voert bringhen /
 
Die niet en doghen een caf.
 
En̄ die anders segghen daer af /
 
Si doen quaet / sijts gewes;
1645[regelnummer]
Want God allene alles machtich es
 
Te nemene en̄ oec te ghevene /
 
En̄ doen te stervene en̄ te levene /
 
Alsoet sine wijsheyt ordineert /
 
Diet al houdt en̄ regneert
1650[regelnummer]
In hemel / op erde en̄ in de helle:
 
Hi en heves ghenen gheselle.
 
Si twee gaen op ene strate
 
Om een ghewin en̄ om een bate /
 
En̄ deen valt en̄ breect sijn been /
1655[regelnummer]
Dander die vindt enen steen
 
Hi es weert .cc. pont /
 
Op ene stede / op ene stont.
 
Waendi dat dit davonture werct?
[pagina 193]
[p. 193]
 
Neen si niet / diet wel merct:
1660[regelnummer]
Het doet al Gods moghenthede /
 
Die ieghenwerdech es telker stede.
 
Dese die daer breect sijn been /
 
En hadde die ghebroken en gheen
 
Het soude lichte anders sijn vergaen /
1665[regelnummer]
Of lichte soude hi hebben begaen
 
Meerre mesdaet of meerren toren /
 
Of sijn ziele mocht hi hebben verloren /
 
Of hi hads in eneghen stonden
 
Te voren verdient met sonden.
1670[regelnummer]
Dander die den stene vent /
 
Daer hi rijcheyt mede wendt /
 
Dat doet God daer omme:
 
Lichte soude hi als een domme
 
Dinghen aengaen of verkiesen /
1675[regelnummer]
Daer hi mede soude verliesen
 
Siele ende lijf / beyde gader.
 
Dus verhuedt die hemelsche Vader
 
Den mensche tallen steden
 
Nader zielen salicheden.
1680[regelnummer]
Des ghelijc eest als en̄ als
 
Van hen die breken den hals
 
Ofte in watre verdrincken:
 
Dat doet God / wildijt bedincken /
 
Dat si hem dan sijn ten naesten /
1685[regelnummer]
En̄ dan haelt hise metter haesten.
 
God maect meneghen armen rike;
 
Bleve hi arme / hi verlore hemelrike.
 
God maect meneghen riken mate;
 
Bleve hi rike / hi vergate
[pagina 194]
[p. 194]
1690[regelnummer]
Gods in sire welden soe /
 
Hi worde hemelrijx onvroe.
 
Dus ontfarmt Gode talre uren
 
Der crancker menscheliker naturen;
 
Want hijs onse Vader / wi sijn sine kindre /
1695[regelnummer]
Hi ghevet al / meerder en̄ minder /
 
Na dat sire wijsheyt dunct / sijts gewes /
 
Dat elken ter sielen best es.
 
Die voert bringhen vise basen
 
Van abonturen / gaen blasen /
1700[regelnummer]
Si en gheeft noch en leeft niet:
 
God es diet al versiet /
 
Wies glorie en̄ virtute
 
Nemmermeer en gheet ute.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken