Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Dits van onsen Here. C. XVI.

 
IAn / wi gheloven algader
1455[regelnummer]
Ane den hemelschen Vader /
 
Die ghemaect heeft ghemeynlike
 
Alle die hemele en̄ ertrike /
 
En̄ al weder ontmaken mach.
 
Maer in hoerde noyt ghewach
1460[regelnummer]
Dat miere herten ghenoech dede
 
Vander hogher godhede /
 
Alse dat .iij. persone ghemene
 
Wesen moesten emmer ene /
 
En̄ een moeten wesen drie:
1465[regelnummer]
Ic bids u / berechtes mie.
 
Wouter / wel lieve veynoet /
 
Dese questie waer alte groet
 
Den alder besten clerc die
 
Gheboren wert ter werelt ye;
1470[regelnummer]
Nochtan willic u hier af saen
 
Mine teestye doen verstaen.
 
God es so hoghe een wesen
 
Men caent ghescriven no ghelesen /
 
Noch met herten bevaen /
1475[regelnummer]
En̄ die daer meest na slaen
[pagina 187]
[p. 187]
 
Dats alse ofte een blint man scote
 
Met enen boghe na eenre note /
 
Die so hoghe stonde inder locht
 
Datmense niet gheraken en mocht.
1480[regelnummer]
Nochtan grondt daerna menech man /
 
Maer hare ghene en can
 
Den steke gheraken also claer /
 
Deen en gheet al hier / dander al daer /
 
En̄ en houden niet enen pat /
1485[regelnummer]
Alse blinde liede die teenre stat
 
Gherne te gader gaen souden
 
En̄ den pat niet en connen ghehouden.
 
En̄ daer om oec so discorderen
 
Vele clerke in hare leren /
1490[regelnummer]
En̄ wat dat si spreken daer af
 
Dat en es al maer een caf;
 
Want gheen ertsche creature
 
En mach kennen Gods nature /
 
Noch dat wesen sijnre godheyt:
1495[regelnummer]
So wat daer yeman af seyt /
 
Si slaen daerna weder en wey /
 
Alse een blint man na een ey.
 
So waer God oec harde neder /
 
Soude een mensche voert en̄ weder
1500[regelnummer]
Sijn edel wesen al gronderen;
 
Want hi es emmer Here der heren /
 
Die sonder beghin en̄ eynde leeft /
 
En̄ al van nieute ghemaect heeft.
 
God en wert nie / des benic bout /
1505[regelnummer]
Van menscheliken oghen aenscout /
 
Noch oec inden gheeste mede
[pagina 188]
[p. 188]
 
Nader vormen sire godlijchede;
 
Want die vorme en̄ die ghedane
 
En wert noyt ghegheven te verstane
1510[regelnummer]
Ghenen mensche op ertrike
 
Die nye leefde so heylichlike.
 
Het es waer / Gods eneghe sone
 
Hi quam uten hoghen trone /
 
Ende ontfine menscheyt aen Marien /
1515[regelnummer]
Dies wi alle moeten lien:
 
Dien so sachmen gaen en̄ staen
 
Op ertrike alse mensche ghedaen /
 
Maer die vorme sire gotheyt in dien
 
Bleef nochtan al onghesien;
1520[regelnummer]
In des outaers sacrament
 
Es hi volmaect en̄ oec bekent /
 
Nochtan en sietmer / cleyn no groet /
 
Ander vormen dan dat broet.
 
Hemel en̄ erde / seyt die Scrifture /
1525[regelnummer]
Maecte God in ene ure /
 
En̄ al dat daer toe hoerde
 
Sciep hi al met enen woerde;
 
En̄ dat onthoudt al sine wijshede /
 
Staende aldus in ene stede
1530[regelnummer]
En̄ sine hoede / vroech en̄ spade;
 
En̄ wert dat hi sine hoede af dade
 
Also langhe alse een oghe opslaen /
 
Het soude al te nieute gaen
 
Hemel en̄ erde ghemene /
1535[regelnummer]
En̄ dit en es hem pine en ghene.
 
Hij sit inden oversten chore /
 
En̄ siet hemel en̄ ertrike dore /
[pagina 189]
[p. 189]
 
En̄ al dat daer binnen ghesciet
 
Hem en es verborghen niet:
1540[regelnummer]
Het es hem algader cont
 
Elc ghepeyns en̄ elker herten gront;
 
Hi es ieghenwerdech over al /
 
In hemel / in helle / op berch / in dal /
 
En̄ dese heeft hi al / sonder waen /
1545[regelnummer]
Altemale omme bevaen;
 
So groet es hi / gheloeft mi dat /
 
Nochtan vult hi ghene stat.
 
Hi es dat overste goet /
 
Daer ute vloyt als ene vloet
1550[regelnummer]
Alle ghenade en̄ salichede /
 
Daer dese werelt staet mede.
 
Hi verlenet al ende gheeft
 
Daer die mensche mede leeft /
 
En̄ versietene / spade en̄ vroe /
1555[regelnummer]
Van dat hem behoert toe /
 
Na dat sire wijsheyt ghenoeght /
 
Daer hi elken mensche in voeght:
 
Vogle / vissche / beesten / tam en̄ welt /
 
Alle dese hi onthelt /
1560[regelnummer]
Die goedertierne wise /
 
Daghelijcs met sire spise.
 
Int ertrike en es groet no smal /
 
Hi en hevet ghegheven al;
 
En̄ buten sire hoeden en es niet /
1565[regelnummer]
Boem / cruyt / gras no riet.
 
Hi es hoefsch ende goedertieren /
 
En̄ gherecht in allen manieren.
 
In drien personen es hi
[pagina 190]
[p. 190]
 
Een God ghewarech en̄ vry;
1570[regelnummer]
Maer hoe dat dese drie een wesen /
 
Daer na en salmen niet lesen /
 
Noch hem te nauwe onderwenden des /
 
Want elken mensche te hoghe es.
 
Bevelen wijt Goden diet al can /
1575[regelnummer]
En̄ elc mensche ghelove dan
 
Simpeleec / dat prisic meest /
 
Aen Vader / aen Sone / aen heylich Gheest /
 
Dat si sijn een ghewarech God.
 
Diet nauwer besuect / hi es sot;
1580[regelnummer]
Want met simplen ghelove claer
 
Doen wi Gode ghenoech / dats waer /
 
En̄ diere meest op vereest
 
Esser blent op alre meest;
 
Want en hoert niet toe der menscheyt
1585[regelnummer]
Te grondene na die godheyt /
 
Die nieman begripen en moghe
 
Hoe diep / hoe wijt si es en hoe hoghe.
 
Die heeft in sinen lesten stonden
 
Ghewarech berou van sinen sonden /
1590[regelnummer]
Hi sal comen ter hogher steden;
 
En̄ die van ertrike verscheden
 
Sonder berou / si moeten ter hellen /
 
Daer si sonder inde quellen.
 
Wouter / nu hebbic u gheseyt
1595[regelnummer]
Mijn conde vander godheyt.
 
Hier mede wanic wel volstaen algader
 
Voer Gode / den hemelschen Vader /
 
Die nont beghin en ghewan /
 
Noch oec inde hebben en̄ can /
[pagina 191]
[p. 191]
1600[regelnummer]
Wies name si ghebenedijt
 
Ewelijc in alder tijt. Amen.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken