Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 214]
[p. 214]

Vanden groten orbore die comt vanden Coepman en̄ vanden Ackerman. C. XXVII.

 
ENde also twee dinghe
2275[regelnummer]
Gheprijst sijn sonderlinghe
 
In dat gheestelike leven /
 
Also selen wi prijs gheven
 
Tween poenten verre te voren /
 
Die der werelt toe behoren:
2280[regelnummer]
Dat sijn dackerman en̄ de coepman;
 
Want sonder dese so en can
 
Die werelt al niet ghestaen /
 
Want dat volc soude saen
 
Van breken al bederven /
2285[regelnummer]
En̄ oec van hongher sterven.
 
Die ackerman moet winnen al
 
Daer dat volc bi leven sal /
 
En̄ breect met sire pinen
 
Lant / heyden ende woestinen /
2290[regelnummer]
En̄ wint coren / wijn en̄ vrochte /
 
Daer sonder niet en mochte
 
Die werelt .ij. iaer gedueren;
 
Want alle creaturen /
 
Menschen / beesten / ionc en̄ out /
2295[regelnummer]
Nemen daer af haer onthout.
 
Oec voeden si op inden lande
 
Quec en̄ beesten menegherande /
 
Scape / verkene / perde / roye en̄ vee /
 
Hoendre / ganse / deen min dander mee /
2300[regelnummer]
Daer tsfolx lijftocht ane steet
[pagina 215]
[p. 215]
 
En̄ daer ons af comt / God weet /
 
Dat goede suvel dat wi verteren /
 
Dies nieman en mach ontberen /
 
Boter / kase en̄ eyere mede.
2305[regelnummer]
Proeft / en es dit niet waerhede?
 
Dese bate en̄ dit voerdeel
 
Comt vanden lantman gheheel;
 
Selve ontbijt hijs cume nochtan
 
Een goet morseel die lantman;
2310[regelnummer]
Dbeste verteren al die vremde.
 
Si draghens cume een goet hemde;
 
Nochtan pijnt hire om even vaste /
 
Nacht no dach en heeft hi raste.
 
Nu siet en̄ merct dan wel
2315[regelnummer]
Of dat lant winnen es spel /
 
Diet al wint / voedt en̄ bout /
 
Daer hem tfolc mede onthoudt.
 
Nu hebdi verstaen dbedieden
 
Wat ons leghet aen dackerliede.
2320[regelnummer]
Nu hoert den groten orbore dan
 
Die ons leghet aen den coepman /
 
Die dat goet coept en̄ vercoept /
 
En̄ alle die werelt dore loept.
 
Hem en es zee te diepe no te lanc /
2325[regelnummer]
Noch lant te hoghe no te stranc
 
Tote inden .iiij. werelt hoeken /
 
Hi en willet varen besoeken /
 
En̄ coept dies hi vindt daer /
 
En̄ vueret verre elwaer
2330[regelnummer]
Daer meus niet vinden en mochte
 
Waert dat hijs daer niet en brochte /
[pagina 216]
[p. 216]
 
Dies menech soude hebben noet
 
En̄ van breken bliven doet.
 
Waer hi verneemt enech lant
2335[regelnummer]
Daer coren diere es ofte ghewant /
 
Goet van ghewichte of ander goet /
 
Daerwert vaert hi metter spoet /
 
En̄ soccoerst dat lant haestelike
 
Vanden goede diestGa naar voetnoot1 hadde breke:
2340[regelnummer]
Hi halet goet daer ment windtGa naar voetnoot2
 
En̄ vueret daer mens niet en vindt.
 
Aldus deylt hi ghelike
 
Dat goet in ertrike
 
Van lande te lande / weder en̄ voert /
2345[regelnummer]
Oest en̄ west / suut en̄ noert /
 
En̄ avontuert om dit bedrijf
 
Beyde ziele en̄ lijf /
 
En̄ ghedoghet menech coude
 
En̄ oec hitte menechfoude /
2350[regelnummer]
En̄ inder zee meneghen vaer;
 
En̄ sulc stont blijft hi daer
 
Alte male metten goede /
 
En̄ alse hijs minst es op sijn hoede
 
Comen rovers of quade lantsheren /
2355[regelnummer]
Diene altemale onteren
 
En̄ nemen hem al dat hi heeft:
 
Dan mach hem rouwen dat hi leeft.
 
Nochtan en laet hijs daer om niet /
 
Al es hem dit ongheval ghesciet /
2360[regelnummer]
Hine wilt weder henen sonder verdrach /
[pagina 217]
[p. 217]
 
Gheschie dats gheschien mach.
 
Maer dats te claghene alles boven /
 
Dat lantsheren laten roven
 
Den coepman in enegher tijt /
2365[regelnummer]
Die doer haer lant lijdt;
 
Want si daer om sijn lantsheren /
 
Dat si foertsen selen weren
 
En̄ elken tsine doen gheven /
 
Alsic u voere hebbe bescreven.
2370[regelnummer]
Daer om was een goet man
 
Die edele hertoghe Ian /
 
Die yrst so hiet in Brabant:
 
Hine hadde nye so groten viant /
 
Sine liede en mochten sonder hoede
2375[regelnummer]
En̄ sonder vreese met haren goede
 
In sinen lande riden en̄ gaen /
 
Tort yeman die hem hadde mesdaen!
 
Daer om onste hem God der eren
 
Dat hi was een here der heren /
2380[regelnummer]
En̄ sine viande dwanc over al /
 
So dat sijn name bliven sal
 
Emmermeer in ertrike.
 
God gheve hem sijn hemelrike!
 
Nu hebdi verstaen die nuthede
2385[regelnummer]
Van ackerman en̄ van coepman mede /
 
Welcs leven men mochte ontberen niet.
 
Daer bi merct ende besiet:
 
En es cardinael / bisscop no monc /
 
Lantshere / ridder noch canonc /
2390[regelnummer]
Ertrike en souder ontberen bat
 
Dan diere .ij. / gheloeft mi dat.
[pagina 218]
[p. 218]
 
Dit es waer dat ic u scrive;
 
Want dat ertrike blijft te live /
 
Dats naest Gode bi desen tween;
2395[regelnummer]
In weet beter en gheen
 
Te ghemeynen orbore alle der liede.
 
Hier mede latic dit bediede.
voetnoot1
IIs. dies.
voetnoot2
IIs. vindl.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken