Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 233]
[p. 233]

Een exempel vanden wiven. C. XXXIII.

 
WOuter / ic hebbe segghen horen
 
Dat een coninc hier te voren
 
Maercolve ontboet dat hi quame
 
Te sinen hove / en̄ met hem name
2840[regelnummer]
Sinen vrient en̄ sinen viant /
 
En̄ hi met hem die brachte te hant.
 
Maercolf nam tier selver stont
 
Sijn wijf en̄ sinen hont /
 
En̄ ghinc ties coninx hove waert.
2845[regelnummer]
Te sinen wive sprac hi op die vaert:
 
‘Hertelike lieve vriendinne /
 
Ghi wet wel dat ic u minne
 
Boven al dat ye lijf ontfinc /
 
Ic moetu een heymelike dinc
2850[regelnummer]
Segghen die mi es ghesciet /
 
Maer ghine moghes versegghen niet
 
Om ghene sake / om ghene noet;
 
Want wist die coninc / ic waer doet.’
 
Dwijf zwoer bi groten eden
2855[regelnummer]
Dat si haer liever bleve ghesceden
 
Wt hemelrike teweghen daghen
 
Dan sijs een woert soude gewaghen.
 
‘Lieve minne / sprac hi / ic segt u dan:
 
Ic vermoerde enen man
2860[regelnummer]
In dese weke op ene stont /
 
Daer ic aen wan .CCC. pont /
 
En̄ ic barchene met haesten doe
 
Onder onse bedde int bedstroe.
[pagina 234]
[p. 234]
 
Aldus hebben wi tgoede ghelt.
2865[regelnummer]
Nu siet dat ghi ons niet en melt
 
Aen mijn lijf no aen mijn ere.’
 
‘Maercolf / mi verwondert zere
 
Dat ghi so luttel betrout mi;
 
Ic storve mi liever dan ghi /
2870[regelnummer]
Dat wetti selve harde wale.’
 
Hier mede lieten si die tale /
 
En̄ quamen in sconinx hof mettien;
 
En̄ alsene die coninc heeft versien /
 
Hiet hine willecome saen /
2875[regelnummer]
En̄ vraghede hem of hi hadde ghedaen
 
Also als hi hem beval?
 
‘Here / sprac hi / ja ic al:
 
Hier es mijn vrient en̄ mijn viant mede.’
 
‘Hier af moetic die waerhede
2880[regelnummer]
Weten / ‘sprac die coninc.
 
Here / sprac Maercolf / dese dinc
 
Willic u tonen nu ter stat:’
 
En̄ gaf sinen wive enen plat
 
In haer aenschijn also wel
2885[regelnummer]
Dat si bina ter erden vel.
 
Doen riep si lude: ‘Ay mi! ay mi!
 
Dese mordenare / hoe slaet hi mi?
 
Here coninc /’ sprac si / ‘sekerleke
 
Hi vermoerde in dese weke
2890[regelnummer]
Enen man om sijn ghelt /
 
Dien ghi noch vinden selt
 
Thuys onder sijn bedstroe /
 
Hi lies nu seker selve also.
 
Die galgaert heest verdient dat
[pagina 235]
[p. 235]
2895[regelnummer]
Ghine settet op een rat;
 
Hi heves langhe verdient wale.’
 
Doen die coninc hoerde dese tale /
 
Loech hi en̄ sweech nochtan;
 
En̄ Maercolf / die wise man /
2900[regelnummer]
Riep sinen hont daer hi stoet /
 
En̄ sloech hem af enen voet.
 
Doen riep hine weder saen /
 
En̄ hi quam te hem ghegaen
 
Oetmoedeliker vele mere
2905[regelnummer]
Dan hi gheploghen hadde ere.
 
‘Here coninc / sprac Maercolf mettien /
 
Nu hebdi ghehoert en̄ ghesien
 
Minen vrient en̄ minen viant.
 
Nu mercti wel al te hant
2910[regelnummer]
Dat mijn viant es mijn wijf /
 
Die mi woude doen nemen tlijf
 
Om enen slach dien ic haer gaf;
 
En̄ minen hont sloeghic af
 
Van sinen live een let /
2915[regelnummer]
Nochtan es hi mijn vrient bet
 
Dan hi ye was te voren /
 
Also ghi sien moghet en̄ horen.’
 
Die coninc seyde: ‘Maercolf / ghi
 
Hebbet wel betoent mi
2920[regelnummer]
Metten werken al bloet
 
Die dinghen daer ic u om ontboet:
 
Ic sie wel dat nieman en sal
 
Sinen wive ontdecken al
 
Sine heymelijcheyt daer macht aen leyt /
2925[regelnummer]
Dit hondic wel over waerheyt.’
[pagina 236]
[p. 236]
 
Dus toende Maercolf den coninc daer
 
Dat sijn wijf sijn viant waer.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken