Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Vanden goeden wiven. C. XXXV.

 
IAn / mi wondert sekerlike
 
Dat ghi aldus fellike
 
Spreect toten vrouwen weert.
2975[regelnummer]
Het schijnt ghi hebtse onweert.
 
Men seyt ghemeynlike nochtan /
 
Dat van rechte elc man
 
Vrouwen prisen en̄ eren sal /
 
Waer hi comt al over al.
2980[regelnummer]
Wouter / wat ic u lere /
 
Ghi blijft altoes in enen kere /
[pagina 238]
[p. 238]
 
Even dul en̄ even blent /
 
Ghine verstaet noch en leert twent.
 
Suldi yet verstaen of inhalen /
2985[regelnummer]
Dat moetmen u tallen malen
 
Knuwen / also men pleghet
 
Den kinde dat in die wieghe leghet.
 
Woudi die waerheyt verstaen in trouwen /
 
So en seydic u niet van vrouwen
2990[regelnummer]
Maer van wiven / sijts gewes /
 
En̄ wet dat groet ondersceet es
 
Tusschen den vrouwen en̄ den wiven /
 
Alsic u hier na sal bescriven /
 
Op dat ghijt wel verstaen wilt.
2995[regelnummer]
Maer u sin heeft so harden scilt /
 
Dattene cume enech man
 
Met worden yet doerhouwen can.
 
Nochtan wildi altoes callen
 
En̄ bevroedt sijn van allen;
3000[regelnummer]
En̄ om dat ghi sijt so ruyt /
 
Sal ic u segghen over luyt
 
Die dinc / ende bat verclaren
 
Dan si vore verclaert waren.
 
Wouter / en verstaet niet dat
3005[regelnummer]
Men hebbe in menegher stat
 
Goede vrouwen oec vonden /
 
En̄ doet noch te desen stonden.
 
Maer mijn meyninghe es groet en̄ cleyne
 
Op die broescheyt / die God ghemeyne
3010[regelnummer]
Gaf der wijffeliker naturen
 
Boven allen creaturen;
 
Want ghemeyne nature der wijslijcheyt
[pagina 239]
[p. 239]
 
Es al gheneyght ter broescheyt;
 
Maer diere minst toe es gheset
3015[regelnummer]
Hi mach hem hoeden te bet;
 
En̄ die hem also wel bevroeden
 
Dat si met voersienegher hoeden
 
Haer ingheborne nature verdriven /
 
En̄ in vremde nature becliven
3020[regelnummer]
Daer si mede staende bliven
 
In eren en̄ in reynen live /
 
Si sijn wel weert dat mense crone
 
En̄ lone metten hoechsten lone /
 
En̄ hem en moghen alle die leven
3025[regelnummer]
Niet te vollen prijs ghegheven;
 
Want si hebben met crancker macht
 
Ghedaen vele meerre cracht
 
Dan ofte een man allene
 
Verwonne een borch ghemaect van stene /
3030[regelnummer]
Alse Salomon seghet / die wise.
 
Oec seghet een ander meester van prise /
 
Dat de ufeninghe der saken
 
Een ander nature can maken.
 
En̄ diere vrouwen vindtmen vele
3035[regelnummer]
Die in erenste no in spele
 
Niet en daden dat hem mestoede;
 
Want haer voersieneghe hoede
 
Heeftse in sulker doeght gheset /
 
Datse alle archeyt in hare belet.
3040[regelnummer]
En̄ der goeder vrouwen leven
 
Dat es also sere verheven
 
Datment cume can ghesegghen /
 
Ofte in scrifturen ghelegghen:
[pagina 240]
[p. 240]
 
Si es sierheyt ende ornament
3045[regelnummer]
Haers mans waer mense vent /
 
En̄ sijn tresoer en̄ sijn scat /
 
En̄ waer si es in elke stat
 
Es si van sire eren een hoede.
 
Van sinen live / van sinen goede
3050[regelnummer]
Draghet si trouwe harde groet /
 
En̄ es ghetrouwe toter doet.
 
De goede vrouwe es dicke vroet /
 
Haer raet die es gherne goet
 
En̄ es altoes eersam mede;
3055[regelnummer]
Gherne so houdt si in vreden
 
Haren man waer si can;
 
En̄ alse te vernoye es haer man /
 
Troest sine met soeten worden soe
 
Dat hi blide werdt ende vroe /
3060[regelnummer]
En̄ hi verliest sorghe en̄ pine.
 
Si es recht een medecine
 
Haers mans van allen quaden saken
 
Diene droeve mochten maken.
 
Verdient hi oec bi sire scoude
3065[regelnummer]
Dat menne daerom scelden soude /
 
Dat seghet si hem so suetelike
 
Dat hijs hem al heymelike
 
Te bat huedt altoes voert an /
 
Op dat hi doghet hevet an.
3070[regelnummer]
Goede vrouwen men niet en soude
 
Gheliken silvere no goude /
 
Noch purperen pelnen no saffieren /
 
Noch ghenen ghestennte so diere /
 
Noch al den goeden ghemeynlike
[pagina 241]
[p. 241]
3075[regelnummer]
Diemen vindt in ertrike /
 
So edel en̄ so vol trouwen
 
Sijn die gherechte vrouwen /
 
Sijn si rike / sijn si mate.
 
Maer dat dunct mi grote onmate
3080[regelnummer]
Dat die quade wive vol blamen
 
Hebben moeten vrouwen namen:
 
Al waren si coninghinnen /
 
Men soudere niet tellen binnen.
 
Hets waer / alle vrouwen sijn wive /
3085[regelnummer]
Na die vorme van haren live;
 
Maer alle wive en sijn vrouwen niet /
 
Na die seden diemen aen hem siet.
 
Someghe liede berechten
 
En̄ blameren mijn dichten /
3090[regelnummer]
Daer ic segghe ofte scrive
 
Vander broescheyt der wive /
 
En̄ wanen dat ic allene
 
Die goede metten quaden mene.
 
In peynses nye cleyn no groet.
3095[regelnummer]
Mine meyninghe es al bloet
 
Op die ghemeyne broeschede
 
Der naturen der wijffelijchede;
 
Dies en selen die goede niet mecken /
 
Noch aen haren lachter trecken.
3100[regelnummer]
Die goede vrouwen sijn vol eren /
 
En̄ die hem anders keren
 
Hebben blame / spade en̄ broech /
 
En̄ diere es meer dan ghenoech.
 
En̄ die hier jeghen steken /
3105[regelnummer]
Ic segghe u dat si wederspreken
[pagina 242]
[p. 242]
 
Die goede oude vroede /
 
Die al wisten tquade en̄ tgoede /
 
Beyde Socrates ende Plato /
 
Demonstanes ende Catho /
3110[regelnummer]
Salomon ende Ovidius /
 
Seneca ende Oratius /
 
En̄ oec menech ander die ic nu
 
Niet ghenoemen en can u /
 
Die alle leren en̄ scriven.
3115[regelnummer]
Die ghebreke vanden wiven /
 
En̄ van hare broescher naturen
 
Boven andren creaturen.
 
Dits haer meyninghe diet wel verstact:
 
Vanden goeden seyden si noyt quaet
3120[regelnummer]
Dan op die ghemeyne broescheyt;
 
En̄ die anders hier toe seyt /
 
Hi mesdoet harde sere /
 
En̄ mindert oec daer met sijn ere;
 
Want dat die oude wise spraken
3125[regelnummer]
Dat en mach nieman loghen maken;
 
Want hets gheauctoriseert
 
En̄ onder die vroede gheviseert.
 
So wie anders seghet of gaet
 
Dan hier vore ghescreven staet /
3130[regelnummer]
Hi wederseghet die oude vroede.
 
Elc sijs wel op sijn hoede /
 
En̄ prise goede vrouwen / dats mijn raet /
 
En̄ oec de ghene die sijn quaet
 
En can hi niet ghemaken goet /
3135[regelnummer]
En si dat God selve doet.
 
Watmen leert of watmen seyt /
 
God weet al die waerheyt.


Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken