Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 243]
[p. 243]

Vander papen state en̄ ghebreken. C. XXXVI.

 
IAn / nu hebdi mi gheseyt
 
Van vele dinghen die waerheyt /
3140[regelnummer]
Dies ic noyt en hebbe gheweten;
 
Maer bina haddic vergheten
 
Te vraghene van den heren
 
Die de kerken regeren /
 
Paeuse / visscope en̄ ander prelate.
3145[regelnummer]
Hoe dunct u van haren state /
 
En̄ dander paepscap also mede
 
Dat behoert ten kerstenhede?
 
Want vele liede segghen sekerlike
 
Dat si hem bewaren cranckelike.
3150[regelnummer]
Wouter / soudic die waerheyt spreken
 
Al wt vander papen ghebreken /
 
Si souden mi vermaledien;
 
Want si souden mi betyen
 
Dat ic onghelove brachte voert /
3155[regelnummer]
En̄ souden verkeren mine woert;
 
Want si hebben de wet bescreven
 
Die si den volke wt gheven /
 
En̄ si tonen statuten en̄ ander saken
 
Hem selven alder houdst te maken
3160[regelnummer]
En̄ al meest den volke jeghen;
 
Al eest dat sijs selve niet en pleghen;
 
Sine mesdoen daer niet an /
 
Maer tfolc doen si daer om inden ban.
 
Si houden nijt en̄ ghierechede /
3165[regelnummer]
En̄ die volght hem altoes mede;
[pagina 244]
[p. 244]
 
Want inder prelaten hove
 
En es nieman van love /
 
Noch oec weert noch willecome
 
Hine brenghe ghewin en̄ vrome.
3170[regelnummer]
Men derf te haren hove niet keren
 
Om dinghen of om impetreren /
 
Men brenghe mede die florine /
 
Anders eest al verloren pine;
 
Want trecht moet daer sneven /
3175[regelnummer]
Eest datmen niet en mach gheven /
 
En̄ onrecht dat ghelt bringht
 
Heeft sinen wille saen ghedinght.
 
Haer provenden vercopen si toe /
 
Oft waer een peert of een coe;
3180[regelnummer]
Maer om doeght en̄ om goet leven
 
Sie ic selden provenden gheven.
 
Symonie es nochtan
 
Een ghebot daer de ban
 
Swaerre op leghet / sijts ghewes /
3185[regelnummer]
Dan op enech ghebot dat es.
 
Si leren tfolc en̄ castien
 
Van sonden en̄ van heresien /
 
Maer si en doens selve twint.
 
Nochtan datmen ghescreven vint
3190[regelnummer]
Dat al haer leven en̄ al haer kere
 
Volghen soude haerre lere /
 
So dat haer leven soude sijn
 
Een raye en̄ een sonneschijn /
 
Die dleke volc soude leyden
3195[regelnummer]
Toter ewegher salichenden.
 
Maer nu can men aen hem ghemerken
[pagina 245]
[p. 245]
 
Luttel dogheden in haren werken;
 
Want dat paepscap heeft verloren
 
Die seden die toe behoren
3200[regelnummer]
Der gherechter gheestelijchede.
 
Proeft of dit es waerhede.
 
In gane / in stane / in oefeninghen
 
En̄ allen wandelinghen /
 
In clederen en̄ in haren abyte /
3205[regelnummer]
So dunct mi al hare vyte
 
Den leken volke al ghelijc /
 
Sonder in dien namelijc
 
Dat tpaepscap noch gheen strijpt en droech.
 
Nochtan ghebrekes luttel ghenoech.
3210[regelnummer]
Ic siese persemen en̄ voercopen /
 
Van tavernen te tavernen lopen /
 
Dansen / reyen in rivelen /
 
En̄ alle ydele spele spelen /
 
Dobbelen / wedden en̄ sweren /
3215[regelnummer]
En̄ met scalcheden hem gheneren /
 
Ghelijc den leken lieden
 
Dien sijt souden verbieden.
 
Traghe sijn si / alsict merke /
 
Ten ghetiden in die kerke /
3220[regelnummer]
En si datmen daer deylt ghelt /
 
Dan gaen si derwaert alden telt.
 
Maer si bliven onlanghe daer /
 
Sine maken hem saen elwaer
 
Daer men drinct en̄ hoveert /
3225[regelnummer]
Vrouwen spreect en̄ bagineert.
 
In die kerke sijn si node langhe
 
Ten ghelese en̄ ten ghesanghe /
[pagina 246]
[p. 246]
 
Ia si / wildijt verstaen /
 
Die de meeste renten ontsaen /
3230[regelnummer]
Sitten daer en̄ sien al omme /
 
En̄ swighen stille alse stomme /
 
En̄ staen vanden boeke bat achter.
 
Songhen si / het dochte hem lachter;
 
Maer si sitten daer en̄ bronken:
3235[regelnummer]
Luttel ghebrekes si en ronken.
 
Maer die vicarise allene
 
En̄ die capellane / die clene
 
Gheprovent sijn en̄ cranc /
 
Die moeten der kerken sanc
3240[regelnummer]
En̄ die pine algader draghen
 
Beyde bi nachte en̄ bi daghe /
 
Ofte men soudse corrigeren
 
En̄ uter kerken keren.
 
Maer die met voglen en̄ met honden
3245[regelnummer]
Iaghen en̄ beeten tallen stonden /
 
En̄ haer kerke selden houden /
 
Die bliven al onbescouden.
 
Dits niet ghelijc / sijts gewes:
 
Meest heeft / meest sculdech es.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken