Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende

Hier berespt Wouter Janne van sinen worden. C. XXXIX.

 
IAn / dits wonder dat ic hore.
 
Ghi seydt int beghin hier vore /
 
Dat dat volc nu beter ware
 
Dant ye was: dits contrare;
3350[regelnummer]
Want van wat state wi spreken /
 
Ghi vinter in grote ghebreken /
 
En̄ aldus en volghedi niet wale
 
Uwer redenen en̄ uwer tale.
 
Wouter / een peert of een rent
3355[regelnummer]
Die en sijn niet so blent
 
Van sinne alse ghi sijt.
 
Men moet u in alre tijt
 
Al dat knuwen datmen u seyt /
 
Alse den kinde dat in de wieghe leyt.
3360[regelnummer]
Ic seyde vore / en̄ ic lye noch des /
 
Dat tfolc nu also goet es /
 
Of beter / dat ic nu sye /
 
Dant hier vormaels was ye;
 
Maer niet en makic u vroet
3365[regelnummer]
Dat tfolc es altemale goet.
 
Men heeft in allen stonden
[pagina 251]
[p. 251]
 
Beyde goede en̄ quade vouden /
 
Also men doet noch heden daghes.
 
Maer die meyninghe mijn ghewages
3370[regelnummer]
Dat dat volc van ertrike
 
Also goet es ghemeynlike /
 
Ia dleeke volc alst ye ghewas.
 
Oec vermetic mi wel das /
 
Datmen nu meest trouwen siet
3375[regelnummer]
Int ghemeyne weerlike diet /
 
Dat sinen arbeyt daghelijx verteert
 
En̄ met sinen acker hem gheneert /
 
Ofte van lande te lande rent
 
En̄ met comenscape went /
3380[regelnummer]
Des die meneghe te bat heeft
 
Ia al dies die werelt leeft
 
Steet naest Gode bi desen /
 
Dat willic wel ter waerheyt lesen;
 
Ia sal trouwe staende bliven /
3385[regelnummer]
Dat sal bi desen .ij. becliven.
 
En es paeus / bisscop no pape /
 
Lantshere / riddere no knape /
 
Selen si haer leven hier ontdraghen /
 
Dese twee en moetent bejaghen.
3390[regelnummer]
Oec behoren si ghemeynlike
 
Ten edelen goeden huwelike /
 
Dien God / die voersieneghe wise /
 
Yerst maecte inden paradise.
 
Dits doerdene daert al aen steet
3395[regelnummer]
Dat der werelt ane gheet /
 
En̄ daer men trouwen meest aen vent.
 
Belghe hem die wille / in achts twent:
[pagina 252]
[p. 252]
 
Dat sijn lantsheren en̄ prelate
 
Daer ic mi minst trouwen toe verlate /
3400[regelnummer]
En̄ volc van gheesteliken abite;
 
Want si houden verkeert haer vite.
 
Dat doet al nijt en̄ ghierechede /
 
Also ic hier vore seyde.
 
Du leer man en ontsie di niet /
3405[regelnummer]
Dat paepscap en es sekerre niet
 
Hemelrijx dan du besGa naar voetnoot1:
 
Die best leeft best es.
 
Al predect tpaepscap Gods woert /
 
En̄ haer theologie bringht voert /
3410[regelnummer]
En̄ du sits daer voer hare voete /
 
Du best lichte also soete
 
En̄ also weert voer danscijn Ons Heren /
 
Als si sijn die di leren;
 
Want clergye sonder goet leven
3415[regelnummer]
En can ghene salecheyt gheven.
 
Hets beter een doghet allene
 
Dan alle phylosophye ghemene.
 
Al eest oec dat si di biechten
 
En̄ dine ziele verlichten /
3420[regelnummer]
En̄ van dinen sonden ontladen daer /
 
Du best lichte also claer /
 
Oft claerre voer Gode dan hi
 
Die daer absolveert di.
 
Al bestu in Scrifturen blent /
3425[regelnummer]
Daer om en twivele niet een twent.
 
Dijn simpel ghelove clare
 
Es voer Gode also mare
[pagina 253]
[p. 253]
 
Alse eens clerrs / des benic wijs /
 
Die .xxx. iaer lach te Parijs.
3430[regelnummer]
Cristus sprac liesliker mee
 
Ieghen dwijfken van Cananee:
 
U ghelove beromt mi bat
 
Dan der papen / gheloeft mi dat;
 
Want al sijn scelden en̄ sijn horeest
3435[regelnummer]
Hadde hi op die papen meest /
 
En̄ die berespte hi met harder tale;
 
Maer dat wijfken bequam hem wale
 
Die hi opten putte vant /
 
En̄ si gheloefde aen hem te hant.
3440[regelnummer]
Maer wat miraculen Cristus dede /
 
Die papen bleven in hare quaethede.
 
Hore mi nu / dorpman /
 
En̄ legt hier dinen sin an.
 
Du die leves op dinen acker /
3445[regelnummer]
En̄ te dinen labore best wacker /
 
Du best also seker / sijts gewes /
 
Alse paeus ofte bisscop es /
 
Lantsheren ofte ander papen /
 
Die altoes plucken en̄ rapen
3450[regelnummer]
Dine pine en̄ dinen arbeyt /
 
Daer du om storts dijn sweyt;
 
So spreken si aldus:
 
Iste est rusticus;
 
Men neme hem dat hijs heeft /
3455[regelnummer]
Het es scade dat hi leeft.
 
So tijdt men hem tferwoede an /
 
En̄ so moet die onsculdeghe man
 
Verliesen daer sijn goet /
[pagina 254]
[p. 254]
 
Weder hijt verboert of en doet.
3460[regelnummer]
So duncket hen ghewonnen al;
 
Maer om datter na volghen sal
 
En peynsen si twint no dele:
 
Si houden hen aen dierste morsele /
 
Daer si haer siele mede verworghen;
3465[regelnummer]
Want nieman en heeft ghenen morghen.
 
Du volre / wever / coepman /
 
Scoenmaker / cledermaker / stierman /
 
En̄ alle die arbeyds pleghen /
 
Die hier vanden minsten sijn gheweghen
3470[regelnummer]
En̄ met pinen wint u brodekijn /
 
Ghi selt ghinder vanden meesten sijn /
 
En̄ vele meerre / dat wetic wale /
 
Dan deken / prelate ofte officiale /
 
Die u versmaden ofte verdrucken /
3475[regelnummer]
En̄ u goedeken hier afplucken /
 
En̄ dat uwe verteren in welden /
 
En̄ in hoverden daer si in helden.
 
Sijt verduldech / u en sal niet ghebreken /
 
God sal u harde wel wreken
3480[regelnummer]
Ghinder in deewelike vier.
 
En̄ wet dat u vernoye hier
 
Cort es en̄ verganckelijc /
 
En̄ ghinder u vroude ewelijc /
 
Die nemmermeer inde en heeft /
3485[regelnummer]
Op dat ghi wel hebt gheleeft.
 
Sijt alle verduldech en̄ doet wale /
 
Hemelrijc es u altemale.
 
Ghi leeke liede ghemeynlike
 
Die sit inden edelen humelike /
[pagina 255]
[p. 255]
3490[regelnummer]
En̄ u met redenen gheneert /
 
Of uwes selfs renten verteert /
 
Ghi sijt met Gode lief en̄ weert;
 
Want al ertrike / hoe dat veert /
 
Moet bi u staen sonderlinghe /
3495[regelnummer]
Of die werelt die verginghe.
 
En̄ oec machmen in u scouwen
 
Meer dogheden ende trouwen /
 
En̄ Gode vruchten en̄ eren
 
Dan in prelaten of in lantsheren.
3500[regelnummer]
En̄ sal trouwe staende bliven /
 
Dat suldi meest toe driven.

voetnoot1
Hs. best.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken