Nederlandsche gedichten uit de veertiende eeuw van Jan van Boendale, Hein van Aken e.a.

Dat tRoemsche rijc vele riken verduert heeft en̄ verwonnen. C. III.

NV keric weder sekerlijc
Op dat hoghe Roemsche rijc /
Dat alle riken heeft verduert /
Also ons distorie ruert /
En̄ neder gheworpen / twaren /
Hoe groet van machte si waren.

[p. 367]

 

En̄ het sal dleste sijn / sonder waen /

 

Dat op ertrike sal staen.

 

En̄ so wanneer dat te nieute gaet /

 

Sal kerstenheyt sijn in crancken staet /

295

Also ic vore al te hant

 

In dierste boeke dede becant.

 

Dat grote ryke van Babilone /

 

Dat so langhe stont en̄ so scone /

 

Hoe jammerlijc dat wort gheint /

300

Alsmen in distorien vint.

 

Merct dat Nembrochs gheslachte /

 

Dat Moyses metter Gods crachte

 

Te also groter eren brachte /

 

En̄ daer God oec om wrachte

305

Also menech teken groet

 

Van miraculen al bloet /

 

Der welker ryke voer waer

 

Duerde meer dan .M. jaer.

 

Nochtan wert te nieute bracht

310

Mids tsRoemsche rijke macht.

 

Dat rijke van Egypten / dat wet /

 

En̄ van Machedonien met /

 

Dese stonden alle sekerlike

 

Ieghen dat Roemsche ryke /

315

En̄ si worden ghedestrueert

 

En̄ alle te nieute ghekeert.

 

Sint dat Roemsche rijc began

 

En was noyt rijc voert an

 

Datter jeghen woude kiven

320

En moeste verwonnen bliven/

 

En̄ het sal oec dat leste wesen /

[p. 368]

 

Also wi in vele boeken lesen.

 

Tkeyserrijc sijn beghin nam

 

Doen Cristus op ertrike quam /

325

En̄ die heylighe Kerke / meer no min /

 

Nam met Cristo haer beghin;

 

En̄ dese .ij. / sonder waen /

 

Duren also lange als ertrike sal staen /

 

En̄ als deen valt / dat wet /

330

So sal dander vallen met.

 

Dat sal wesen / twaren /

 

Als hem Antkerst sal baren;

 

Dan sal beyde clerc en̄ leec

 

Int ghelove sijn harde weec.

335

Daer na ic hier segghen sal

 

Groet jammer sonder ghetal /

 

Also ict vant bescreven /

 

Daer elc mensche af mach beven.