Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 396]
[p. 396]

Hoe die coninc van Vrancrijc verloes eenen strijt iegen den coninc van Ynglant, en̄ van .III. goeden poenten. C. XIV.

 
DOen ic dit boer hadde bracht
1135[regelnummer]
Tote hier / metter Gods cracht /
 
Ghelijc dat ghi nu moghet horen /
 
Quam mi een mare te voren
 
Die te horne es jammerlike /
 
Dat Philips / coninc in Vrancrike /
1140[regelnummer]
Soude hebben ghestreden
 
Met groter moghentheden
 
Ieghen den Edewaerde van Inghelant.
 
Doen so dachtic al te hant
 
Dat dese wrake / doen ict hoerde /
1145[regelnummer]
Wel tote desen boeke behoerde;
 
Want sint dat die van Rome /
 
Alsic merke en̄ gome /
 
Ieghen die Affrike streden
 
(Des es vele meer tijts leden
1150[regelnummer]
Dan .M. jaer) / so en ghevel
 
So groet manslacht / wet wel /
 
En̄ daer so vele heren groet
 
Opten velde om bleven doet
 
Onder coninghe en̄ hertoghen /
1155[regelnummer]
Graven en̄ bisscopen vermoghen /
 
Baenroetsen en̄ ridderen mede /
 
En̄ knapen / die daer ter stede
 
In Philips side bleven doe
 
Tote .XL.m. toe /
[pagina 397]
[p. 397]
1160[regelnummer]
Daer Edewaert met ghewelt
 
Op dien tijt behielt dat velt;
 
Daer hadde hi cume nochtan
 
Enen jeghen .v. manne.
 
Dit ghesciede / gheloves mi /
1165[regelnummer]
Niet verre van Annous in BrijGa naar voetnoot1.
 
Lieve kindre / nu wilt merken /
 
Hoe God / Onse Here / can werken /
 
En̄ hoe van allen dinghen
 
Sijn vonnesse can toe bringhen /
1170[regelnummer]
Hoe dat comt van over dmere
 
Een coninc met enen cleynen here
 
In die crone van Vrancrike /
 
Dat die macht es van Kerstenrike /
 
En̄ wint hem af borghe en̄ lant /
1175[regelnummer]
En̄ street met hem metter hant /
 
En̄ wint hem af dat velt /
 
Alsic u vore hebbe ghetelt.
 
Ay / ghi princen van ertrike /
 
Alse ghi sit hoeghelike
1180[regelnummer]
In uwen stoele met groter welde /
 
Als riddre of knape voer u helde
 
Nighen en̄ sijn onderdaen /
 
En̄ alle tuwen dienste staen /
 
So en verheft u min no mere /
1185[regelnummer]
Maer peynst dan dat een here
 
Boven u es / die u mach
 
U leven nemen op enen dach /
 
En̄ ghedenct oec met herten sijn /
[pagina 398]
[p. 398]
 
Dat die liede u niet en sijn /
1190[regelnummer]
Maer Gods liede Ons Heren /
 
Die Hem daer toe woude keren /
 
Dat Hi om haer salicheyt groet
 
Mensche wort en̄ starf de doet.
 
Castijt u / heren / castijt
1195[regelnummer]
Bi andren heren / het es tijt /
 
Eer God / Onse Here / met allen
 
Laet sine wrake op u vallen.
 
Want als ghijt minst moedt / so mach
 
Op u comen die sware slach /
1200[regelnummer]
Ia / onversien ende onverhoedt /
 
Als ghijt alderminst moedt /
 
Also ghi daghelijx moghet sien
 
Aen andren heren ghescien
 
Al omtrent u / hier en̄ daer /
1205[regelnummer]
Met jammerliken slaghen zwaer.
 
Die selve God dien sloech
 
Mach u slaen / eest sijn ghevoech.
 
Het es gheseghet te menegher tijt:
 
Die hem bi enen anderen castijt /
1210[regelnummer]
Wert ghecastijt sachte.
 
Elc hem hier jeghen wachte.
 
Drie poente sijn / alsicse sach /
 
Daer met dat elc mensche mach
 
Behouden die gheminthede
1215[regelnummer]
Sijns Sceppers en̄ der menschen mede /
 
Die harde licht te doen sijn /
 
Also icse las int Latijn.
 
Dierste es inden beghinne
 
Dat hi die Heylighe Kerke minne /
[pagina 399]
[p. 399]
1220[regelnummer]
En̄ hare recht tallen stonden
 
Houde / hi esser met ghebonden.
 
En es gheen here so hoghe /
 
Keyser / grave no hertoghe /
 
Hine sal papen altoes eren;
1225[regelnummer]
Want si sijn vicarijse Ons Heren
 
Gheset hier in Cristus stede /
 
En̄ den ghenen maken mede
 
Die alle dinc ghemaect heeft /
 
En̄ sonder beghin en̄ inde leeft.
1230[regelnummer]
Oec mach hi sonden vergheven /
 
Ia / daer toe dat verheven
 
Inghel no archangel en es /
 
Noch Cristus moeder / sijt gewes.
 
Dander poent es dat hi sal
1235[regelnummer]
Die privilegien houden al /
 
En̄ die waerheyt van elker stede /
 
En̄ sijns lants recht daer toe mede;
 
Want nerghen met en mach een here
 
Sijn liede verwerken mere
1240[regelnummer]
Dan dat hi sijn sartren breect /
 
Also ons een broet man spreect.
 
Oec so breect hi trouwe daer /
 
Dat es voer Gode harde zwaer;
 
Want elc here sal van rechter scouden
1245[regelnummer]
Sijns lants recht wel houden;
 
Want woudse een ander breken /
 
Hi soudse oec moeten wreken.
 
Dat derde poent es dat een here
 
En sal nemen nemmer mere
1250[regelnummer]
Van sinen forfeyten / dan
[pagina 400]
[p. 400]
 
Hem dat vonnes ghegheven can.
 
Nemt hi meer / des gheloeft /
 
Dan es hi niet beter dan gheroeft.
 
Maer elc here / vroech ende spade /
1255[regelnummer]
Sal daer af doen ghenade /
 
Also hi woude dat hem God dade
 
Als hi jeghen Hem yet mesdade;
 
Want sulke ghenade als men hier doet
 
Doet God ghinder / des sijt vroet /
1260[regelnummer]
Daer af dat ic die waerheyt
 
Hier vore wel hebbe gheseyt.
 
Of een lantshere des heeft verdient
 
Dat God niet en es sijn vrient /
 
En̄ hem enen viant dan verwect
1265[regelnummer]
Daer Hi sijn gramscap mede wreect /
 
Die welke met rove en̄ met brande
 
Comt in des heren lande /
 
Eest dan recht / dat maect mi vroet /
 
Dat tfolc dat ontghelden moet /
1270[regelnummer]
Die onwet en̄ quaethede /
 
Die haer here / haer prince dede?
 
Hier antwerdic nu also /
 
Dat wel recht es / nu hoert hoe:
 
Dat die liede ghedoghen
1275[regelnummer]
En̄ aensien met haren oghen
 
Dat haer here doet onwet /
 
En̄ lants recht breect met /
 
En̄ dat niet in tijts en weren /
 
Maer hem alles laten gheberen /
1280[regelnummer]
So moeten sijt ontghelden mede
 
Die quaetheyt die haer here dede.
[pagina 401]
[p. 401]
 
Ghelijc oft een here talder tijt
 
Sijn liede corrigeert en̄ castijt /
 
Also selen si / vroech en̄ spade /
1285[regelnummer]
Alse haer here doet onghenade /
 
Die liede den here wederstaen
 
Als hi eneghe dinc wilt aengaen /
 
Die hem of sinen lande
 
Doen scade ofte scande.
1290[regelnummer]
Die een vrije stat berechten /
 
En̄ die hem dan laten ontrechten
 
Die privilegien en̄ vrijheden
 
Die toe horen ere steden /
 
Om yemans danc oft gheniet /
1295[regelnummer]
En̄ haer lijf daer vore en setten niet /
 
Sijn verloren / des sijt vroet /
 
Ere / lijf ende daer toe goet /
 
Om die ontrouwe / wet dat /
 
Die si daer doen hare stat.
1300[regelnummer]
Dus so scriven ons / te waren /
 
Doude vroede die wilen waren;
 
Want ghemeyn orber / sonder letten /
 
Salmen voer allen orber setten /
 
Alse Arestotiles en̄ Plato /
1305[regelnummer]
En̄ TulliusGa naar voetnoot1 oec also /
 
En̄ ander meesters / wilt roeken /
 
Wel scriven in haren boeken.
 
Dese materie legghic neder /
 
Daer ic toe sal comen weder /
1310[regelnummer]
Wilt God / die alle dinc bekint /
 
Alsic den derden boec hebbe gheint /
[pagina 402]
[p. 402]
 
Die u leren sal hoe dat ghi
 
Van allen wraken sult sijn vri.
 
En wilt wanhopen twint /
1315[regelnummer]
Wat wraken u God toe sint;
 
Want ghi seker sult sijn van desen
 
Dat hemelrijc u sal wesen.
voetnoot1
De schrijver bedoelt den slag van Creci, geleverd den 26 oegst 1346.
voetnoot1
Hs. Tutius.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken