Skiplinks

  • Tekst
  • Verantwoording en downloads
  • Doorverwijzing en noten
Logo DBNL Ga naar de homepage
Logo DBNL

Hoofdmenu

  • Literatuur & taal
    • Auteurs
    • Beschikbare titels
    • Literatuur
    • Taalkunde
    • Collectie Limburg
    • Collectie Friesland
    • Collectie Suriname
    • Collectie Zuid-Afrika
  • Selecties
    • Collectie jeugdliteratuur
    • Basisbibliotheek
    • Tijdschriften/jaarboeken
    • Naslagwerken
    • Collectie e-books
    • Collectie publiek domein
    • Calendarium
    • Atlas
  • Periode
    • Middeleeuwen
    • Periode 1550-1700
    • Achttiende eeuw
    • Negentiende eeuw
    • Twintigste eeuw
    • Eenentwintigste eeuw
Nederlandsche gedichten uit de veertiende eeuw van Jan van Boendale, Hein van Aken e.a. (1869)

Informatie terzijde

Titelpagina van Nederlandsche gedichten uit de veertiende eeuw van Jan van Boendale, Hein van Aken e.a.
Afbeelding van Nederlandsche gedichten uit de veertiende eeuw van Jan van Boendale, Hein van Aken e.a.Toon afbeelding van titelpagina van Nederlandsche gedichten uit de veertiende eeuw van Jan van Boendale, Hein van Aken e.a.

  • Verantwoording
  • Inhoudsopgave

Downloads

PDF van tekst (3.47 MB)

Scans (18.14 MB)

XML (1.76 MB)

tekstbestand






Genre

poëzie

Subgenre

gedichten / dichtbundel


© zie Auteursrecht en gebruiksvoorwaarden.

Nederlandsche gedichten uit de veertiende eeuw van Jan van Boendale, Hein van Aken e.a.

(1869)–F.A. Snellaert–rechtenstatus Auteursrechtvrij

Vorige Volgende
[pagina 403]
[p. 403]

III.
Dat die mensche selve niet wreken en sal, ende hoe die rechter recht doen sal. Cap. I.aant.

 
VAn Gods wraken heb ic u
 
Hier vore gheseghet nu /
 
Also ghi hebt ghehoert;
 
Nu so moghedi horen voert
5[regelnummer]
Vander menschen wraken dan /
 
So ict best gheraken can.
 
God sal metter wraken beyden /
 
En̄ wreect met bescedenheyden /
 
Na dat groet es die mesdaet;
10[regelnummer]
Maer die mensche / dat verstaet /
 
Wreect dicke met haesten groet /
 
Des hi en heeft ghene noet /
 
En̄ oec met groten onbeschede;
 
Want om een woert datmen sede /
15[regelnummer]
Oft om enen plat ghegheven /
 
So neemt men enen mensche dleven /
 
Of slaet hem af hant of been.
 
Dit en es ghelijc en ghene.
 
Die boeken van loyen houden /
20[regelnummer]
Die bleven sijn van ouden /
 
En̄ die keyser confirmeren /
 
Die vander werelt sijn heren /
 
Datmen sal doen ghelijc wet /
 
Lijf om lijf / let om let /
[pagina 404]
[p. 404]
25[regelnummer]
Voet om voet / hant om hant /
 
Oghen om oghen / tant om tant /
 
En̄ des ghelike van allen /
 
Datten mensche mach ghevallen.
 
Menschen wrake en es niet goet /
30[regelnummer]
En̄ wie dat wrake selve doet
 
Doet Gode onrecht en̄ scande /
 
En̄ hoe den heren vanden lande
 
Sijn de wraken ane belanc
 
Aen dese .ij. / sonder wanc.
35[regelnummer]
Maer wiste een mensche datmen dade
 
Scade of sonde / vroech of spade /
 
Dat soude hi sonder beyden
 
Wreken inder jeghenwordecheyden /
 
En̄ vromelike dat wederstaen /
40[regelnummer]
Al soudt aen yemans leven gaen;
 
Want dat ghebieden alle rechten /
 
Datmen cracht sal wederrechten
 
En̄ wederstaen eer si ghesciet /
 
Maer men sal dat wreken niet;
45[regelnummer]
Want die wrake / sonder waen /
 
Sal aenden lanshere gaen /
 
Die in Gods stede set
 
Om elken te doen wet.
 
Oec en sal die / wats ghesciet /
50[regelnummer]
Sine beternesse nemen niet
 
Eer die ghene met vonnes
 
Verwijst si die mesdadech es;
 
Want die lanshere / wildijt weten /
 
Es daer in Gods stat gheseten /
55[regelnummer]
Dat hi alle mesdade
[pagina 405]
[p. 405]
 
Wreken sal / vroech en̄ spade /
 
Na recht ordeel / en̄ anders niet.
 
En̄ laet hi dat om gheniet /
 
Om vrienscap of om bede /
60[regelnummer]
Hi verlore sijn lant daer mede /
 
Dat hi houdt / groet en̄ clene /
 
Vanden Schepper te lene.
 
Daer vore elc here comen sal
 
En̄ rekeninghe doen van al
65[regelnummer]
Sire heerscapien / God weet /
 
Eest hem lief ofte leet /
 
Also Ihesus Cristus selve spreect
 
In die Ewangelie / daer hi vertrect
 
Hoe die heren met sire ghewoude
70[regelnummer]
Rekeninghe hebben soude
 
Van sinen knechten / so men daer
 
Lesen mach scone ende claer.
 
En̄ die ghetruwelijc hadde ghedient
 
Loendi hoechlijc als sinen vrient /
75[regelnummer]
En̄ die Hi in ontrouwen vant
 
Dede Hi int vier werpen te hant.
 
Hier bi versiet / ghi heren / in tijt
 
Dat ghi ghetruwe knechte sijt /
 
En̄ uwes Heren goet also bestemt
80[regelnummer]
Dat ghi van Hem niet en wert ghewent.
 
En es gheen mensche so hoghe /
 
Paeus / coninc no hertoghe /
 
Hi en es quaet ghenoech na recht
 
Te sijn Gods dienstknecht.

Vorige Volgende

Footer navigatie

Logo DBNL Logo DBNL

Over DBNL

  • Wat is DBNL?
  • Over ons
  • Selectie- en editieverantwoording

Voor gebruikers

  • Gebruiksvoorwaarden/Terms of Use
  • Informatie voor rechthebbenden
  • Disclaimer
  • Privacy
  • Toegankelijkheid

Contact

  • Contactformulier
  • Veelgestelde vragen
  • Vacatures
Logo DBNL

Partners

Ga naar kb.nl logo KB
Ga naar taalunie.org logo TaalUnie
Ga naar vlaamse-erfgoedbibliotheken.be logo Vlaamse Erfgoedbibliotheken